మైనర్ బాలిక సమ్మతితో జరిపిన శృంగారం కూడా అత్యాచారమే: హైకోర్టు

Posted: 04/01/2022 01:44 PM IST

Consensual sex with minor will be considered rape telangana high court

మైనర్ బాలిక సమ్మతంతోనే అమెతో శృంగారంలో పాల్గోన్నా అది అత్యాచారం కిందకే వస్తుందని తెలంగాణ హైకోర్టు సంచలన తీర్పును వెలువరించింది. మైనర్ బాలికల అమాయక తత్వాన్ని లోబర్చుకుని.. లేదా ఏదైనా అశలు చూపించి ఇలాంటి చర్యలు జరగడం కొత్తేమీ కాదని, ఇక బాలికల ఇష్టంతోనే ఆమెతో శృంగారంలో పాల్గొన్నామని చెప్పడం ధాటవేత ధోరణే అవుతుందని, ఇలాంటి ఘటనలు కూడా అత్యాచారమే అని.. వాటని అత్యాచారం కింద కేసులు నమోదు చేసి.. వారిపై పోస్కో చట్టం కింద కేసులు నమోదు చేయాలని తెలంగాణ హైకోర్టు స్పష్టం చేసింది.

బంజారాహిల్స్ లో నివసించే బంధువుల ఇంటికి వచ్చిన బంధువు వారింట్లోని 15 ఏళ్ల బాలికపై అత్యాచారానికి పాల్పడ్డాడు. ఫలితంగా ఆమె గర్భం దాల్చింది. ఈ కేసులో బాలిక అవాంఛిత గర్భాన్ని తొలగించుకునేందుకు అనుమతిచ్చిన కోర్టు.. బాలికకు గర్భం తీస్తే అమె ఆరోగ్యంపై ఎలాంటి ప్రభావం చూపుతుందోనన్న విషయాన్ని తెలియజేయాలని, అందుకు బాలితో పాటు అమె తల్లిదండ్రులు కూడా సమ్మతిస్తే ఆలస్యం చేయకుండా గర్భాన్ని తొలగించాలని వైద్యులకు సూచించింది. కాగా బాలిక ఇష్టపూర్వకంగానే బంధువుతో వెళ్లినా, లైంగికంగా కలిసినా అది అత్యాచారం పరిధిలోకే వస్తుందని పేర్కొంది.

గర్భం దాల్చిన కారణంగా మైనర్ బాలిక వ్యక్తిగత పరువుతో జీవించే హక్కు కోల్పోతుందని, శారీరకంగాను, మానసికంగాను ఆమెపై తీవ్ర ప్రభావం ఉంటుందని తెలిపింది. ఈ కేసు పూర్వాపరాల్లోకి వెళ్తే.. హైదరాబాద్ బంజారాహిల్స్ ప్రాంతానికి చెందిన బాలిక ఎనిమిదో తరగతి వరకు చదువుకుంది. ఖమ్మం జిల్లాలో ఉన్న వివాహితుడై ఇద్దరు పిల్లలు ఉన్న బంధువు (26) వ్యక్తిగత పనుల నిమిత్తం హైదరాబాద్ వచ్చాడు. తన పనులను చక్కెబెట్టుకుంటూనే ఇతర సమయంలో బాలికతో చనువుగా వ్యవహరించాడు. ఈ క్రమంలో బాలిక ఇంటికి వచ్చిన అతడితో సన్నిహితంగా మెలిగింది.

బాలిక తల్లిదండ్రులు పనులకు వెళ్లిన సమయంలో ఆమెను బయటకు తీసుకువెళ్లి, బెదిరించి అత్యాచారానికి పాల్పడ్డాడు. వారింట్లోనూ బాలికను పలుమార్లు లోంగదీసుకున్నాడు. అయితే ఈ విషయాన్ని ఎవరికీ చెప్పొద్దని బెదిరించాడు. దీంతో భయపడిన బాలిక ఈ విషయాన్ని ఎవరికీ చెప్పలేదు. ఆ తర్వాత నిందితుడు ఖమ్మం వెళ్లిపోయాడు. ఆ తర్వాత కొన్ని రోజులకు బాలిక ఆరోగ్యం క్షీణించడంతో తల్లిదండ్రులు ఆరా తీయగా బాలిక అసలు విషయం చెప్పింది. దీంతో వారు పోలీసులకు ఫిర్యాదు చేశారు. కేసు నమోదు చేసుకున్న పోలీసులు నిందితుడిని అరెస్ట్ చేసి రిమాండ్‌కు తరలించారు.

మరోవైపు, బాలిక గర్భం దాల్చడంతో దానిని తొలగించేందుకు బాలిక తల్లిదండ్రులు నీలోఫర్ ఆసుపత్రికి తీసుకెళ్లారు. అయితే, బాలిక అప్పటికే 20 వారాల గర్భిణి కావడంతో తొలగించడం ఆమె ఆరోగ్యానికి ప్రమాదకరమని చెబుతూ గర్భాన్ని తొలగించేందుకు నిరాకరించారు. దీంతో బాధిత కుటుంబ సభ్యులు తన బిడ్డ కడుపులో పెరుగుతున్న శిశువును తొలగించేందుకు వైద్యులను అదేశించాలని కోరుతూ హైకోర్టును ఆశ్రయించారు. ఈ కేసు విచారణ సందర్భంగా బాలికపై ఆమె సమ్మతితోనే శృంగారం చేసినా.. అది అత్యాచారమేనని న్యాయస్థానం కీలక వ్యాఖ్యలు చేసింది. ఇక బాలిక గర్భాన్ని తొలగించేందుకు అనుమతినిచ్చింది.