Posted: 06/27/2012 10:33 AM IST

వాన్‌పిక్‌కు అక్రమ భూ కేటాయిం పుల కేసులో నిందితుడిగా ఉన్న మాజీ మంత్రి మోపిదేవి వెంకటరమణ తనకు న్యాయ సహాయం అందించాల్సిం దిగా రాష్ట్ర ప్రభుత్వాన్ని అభ్యర్థించారు. ఈ మేరకు ముఖ్య మంత్రి కిరన్‌కుమార్‌రెడ్డి పేషీకి చంచల గూడ జైలు నుంచి లేఖ రాసినట్లు సమాచారం. సిఎం ప్రత్యేక ముఖ్య కార్య దర్శి బినయ్ కుమార్‌కు ఈ అభ్యర్థన అందినట్లు తెలుస్తోంది. అ లేఖలో తాను అరెస్టయి నేటికి నెలరోజులు గడుస్తున్నందున అప్పట్లో వారం, పది రోజుల్లోనే బయటకు వస్తానని తనకు భరోసా ఇచ్చిన వారంతా ఇప్పుడే మయ్యారని ఆవేదన వ్యక్తంచేశారని తెలుస్తోంది. ఎలాగైనా తనను బయట పడేయాలని, జైలు జీవితం ఘోరంగా ఉందని, గడపడం కష్టంగా ఉందనిఆయన పేర్కొన్నారని తెలుస్తోంది. కాగా, తనకు తెలిసినంత వరకు మోపిదేవి ఏ తప్పూ చేసి వుండరని, ఆయన తొందరగా బయటకు వస్తారని సిఎం కిరణ్‌ మొదట్లోనే భరోసా ఇచ్చారు. ఈ సందర్భంగా మోపిదేవి కుటుంబ సభ్యులను కూడా సిఎం పరామర్శించారు.

ఈ నేపథ్యంలో మోపిదేవి అభ్యర్థన పట్ల సర్కార్‌ సానుకూలంగా స్పందించే అవకాశం ఉందం టున్నారు. ఇప్పటికే ఓఎంసి, జగన్‌ అస్తులు, ఇమ్మార్‌ కేసుల్లో ఉన్న మిగతా ఐదుగురు మంత్రు లు పొన్నాల లక్ష్మయ్య, సబితా ఇంద్రారెడ్డి, ధర్మాన ప్రసాదరావు, కన్నా లక్ష్మీనారాయణ, గీతారెడ్డి ప్రభుత్వ అందిస్తున్న న్యాయపరమైన సహాయంతోనే సిబిఐ ముందు సమాధానాలు ఇవ్వడంతో పాటు, సుప్రీంకోర్టు నోటీసులకు కూడా స్పందిస్తున్నారు. అయితే మోపిదేవి జైలులో ఉండటంతో ప్రభుత్వం నుంచి న్యాయ సహాయం అందడం లేదని అభిప్రాయాలు వస్తున్నాయి. మోపిదేవి గత నెల 25వ తేదీన అరెస్ట్‌ అయిన తర్వాత తన మంత్రి పదవికి రాజీనామా చేస్తూ సిఎం కిరణ్‌కు తన సన్నిహిత మిత్రుడు ద్వారా అందజేయింంచారు. ఆ లేఖలో దివంగత నేత వైఎస్సార్‌ నమ్మినందున ఆయన ఎక్కడ సంతకం పెట్టాలని చెబితే అక్కడ పెట్ట్టానని పేర్కొన్న మోపిదేవి తన బెయిల్‌ పిటీషన్‌లో ఆ విషయాన్ని మళ్ళీ ప్రస్తావిం చలేదు.