భారత ఎంపీలు బుద్ధిలేని నేతలు : కేంద్రమాజీ మంత్రి రాందాస్

Posted: 04/04/2015 01:51 PM IST

Central former minister ramdas controversial comments on parliament members

పొగాకును నిషేధించాలన్న ధ్యేయంతో ముందుకు సాగుతున్న కేంద్ర మాజీ మంత్రి రాందాస్.. భారత ఎంపీలమీద ఒక్కసారిగా ధ్వజమెత్తారు. ఎంపీలందరూ ప్రపంచం దృష్టిల్లో బుద్ధిలేని నేతలుగా మిగులుతున్నారని ఆయన ఆరోపణలు చేశారు. ప్రస్తుతం ఈ వార్త సంచలనంగా మారింది. పోగాకు ఉత్పత్తుల ద్వారా క్యాన్సర్ వస్తుందని చెప్పడానికి సాక్ష్యం లేదని దిలిప్ గాంధీ, శ్యామ్ చరణ్ గుప్తా, రామ్ ప్రసాద్ శర్మ తదితర లోక్ సభ సభ్యులు పేర్కొన్నారు.

నిజానికి.. వీరు ముగ్గురు పొగాకు ఉత్పత్తుల వాడకాన్ని తగ్గించేందుకు తీసుకురానున్న కొత్త విధానాన్ని సమీక్షించేందుకు ఏర్పాటు చేసిన కమిటీలో సభ్యులు! అయినప్పటికీ ఇటువంటి వ్యాఖ్యలు చేయడం గమనార్హం. మరోవైపు.. మధుమేహాన్ని కలిగిస్తున్న పంచదారకు లేని నిషేధం.. పొగాకుకు ఎందుకని బీజేపీ ఎంపీ ఒకరు వ్యాఖ్యానించారు. ఈ వ్యాఖ్యలను దృష్టిలో పెట్టుకునే రాందాస్ భారత ఎంపీలు బుద్ధిలేని వారుగా మిగులుతున్నారని వారిపై మండిపడ్డారు.

ఈ నేపథ్యంలోనే రాందాస్ మాట్లాడుతూ..
* ధూమపానం వల్ల క్యాన్సర్ రాదని అత్యంత మూర్ఖ వ్యాఖ్యలు చేస్తున్న పార్లమెంట్ సభ్యులు ప్రపంచ దృష్టిలో బుద్ధులేని నేతలుగా మిగులుతున్నారు.
* పొగాకుతో ఆరోగ్యం పాడవుతుందని వందలాంది అధ్యయనాలు వెల్లడించిన సంగతి తెలియని ప్రజాప్రతినిధులతో కూడిన బీజేపీ దేశాన్ని పాలిస్తోంది.
* ఇండియాలో రోజుకు 5,500 మంది చిన్నారులు పొగాకు సేవనానికి అలవాటు పడుతుండగా.. 2,500 మంది పొగాకు సంబంధిత వ్యాధుల కారణంగా మరణిస్తున్నారు.