మెరుగైన సౌందర్యానికి బ్యూటీ టిప్స్...

Posted: 03/07/2015 03:59 PM IST

ప్రస్తుతమున్న వాతావరణ పరిస్థితులు చర్మసౌందర్యంపై ఎక్కువ ప్రభావం చూపుతున్నాయి. ఎన్ని బ్యూటీ ప్రోడక్ట్స్ వాడినప్పటికీ.. అవి కేవలం కొద్దిసేపటివరకు మెరుగైన సౌందర్యాన్ని అందిస్తాయి. అయితే.. వాటిని మోతాదుకు మించివాడితే చర్మసమస్యలు వచ్చే అవకాశాలున్నాయి కాబట్టి.. వాటినుంచి కాస్త దూరంగా వుండటమే మంచిది.

మరి.. ఇటువంటి సమయంలో మెరుగైన సౌందర్యం పొందాలంటే ఎలా..? అని దీర్ఘాలోచనలో పడిపోకండి.. అందుకు కొన్ని అనువైన బ్యూటీ మార్గాలు అందుబాటులో వున్నాయి. వాటిని సమయానుకూలంగా పాటిస్తే.. మంచి ఫలితాన్ని పొందవచ్చు.

1. చర్మ సౌందర్యాన్ని మరింత మెరుగ్గా పెంపొందించడంలో రెడ్ రాస్ బెర్రీ ఆయిల్ ఎంతో కీలకంగా పనిచేస్తుంది. ఇందులో ఎస్.పి.ఎఫ్ గుణాలు 28 నుండి 50 వరకూ పుష్కలంగా ఉంటాయి. ఇది ఆల్ట్రా వయోలెట్ కిరణాల నుండి చర్మానికి రక్షణ కల్పిస్తాయి. అలాగే స్ట్రెచ్ మార్క్‌ను నివారిస్తాయి. తద్వారా చర్మసౌందర్యం దెబ్బతినకుండా మరింత మెరుగ్గా వుంటుంది.

2. క్యారెట్ సీడ్ ఆయిల్ : ఈ సీడ్స్‌లో యాంటీసెప్టిక్ విలువలు ఎక్కువగా ఉండటం వల్ల ఎస్.పి.ఎఫ్ 38-48 కలిగి ఉంటుంది. అంతేకాదు.. యాంటీ ఆక్సిడెంట్స్ కూడా ఎక్కువగా ఉన్నాయి. ఇవి చర్మసౌందర్యాన్ని రక్షిస్తూ.. దాన్ని మరింత మెరుగు పర్చడంలో సహాయపడుతాయి. అలాగే.. చర్మాన్ని మృదువుగా తయారుచేస్తాయి.
 
గమనిక : ఎస్.పి.ఎఫ్ 20 సూర్య రశ్మి నుండి వెలువడే హానికరమైన కిరణాల నుండి చర్మానికి రక్షణ కల్పిస్తుంది. ఫ్రీరాడికల్స్‌ను నివారిస్తుంది. స్కిన్ టిష్యు డ్యామేజ్‌ను నివారిస్తుంది.