గులాబీలాంటి అందాన్ని అందించే ఫేస్ ప్యాక్స్

Posted: 07/31/2015 01:06 PM IST

Home remedies to get beautiful pink colour face beauty tips

సమయానికి పౌష్టికాహారం తీసుకోవడంతోపాటు కొన్ని సహజ చిట్కాలను రెగ్యులర్ గా పాటిస్తే.. స్త్రీలు తమ సౌందర్యాన్ని మరింతగా మెరుగుపర్చుకోవచ్చు. మార్కెట్ లో లభ్యమయ్యే బ్యూటీ ప్రోడక్ట్స్ కంటే ‘ఇంటి చిట్కాలు’ సమర్థవంతంగా పనిచేసి.. చర్మ సహజత్వాన్ని ఏమాత్రం కోల్పోనివ్వకుండా గులాబీలా మెరిసే అందాన్ని అందిస్తాయి. మెరుపులాంటి అందాన్ని అందించే చిట్కాలు ఎన్నో వున్నాయి. వాటిలో కొన్ని ముఖ్యమైనవి మీకోసం...

* దానిమ్మ-తేనె : ముందుగా దానిమ్మ గింజలను మెత్తగా పేస్టులా చేసుకోవాలి. ఆ పేస్టులో ఒక చెంచా తేనె మిక్స్ చేసి బాగా కలుపుకోవాలి. ఈ మిశ్రమాన్ని ముఖానికి పట్టించి 30 నిముషాల తర్వాత చల్లటి నీటితో శుభ్రం చేసుకోవాలి. ఇలా రెగ్యులర్ గా చేసుకుంటే ఫెయిర్ స్కిన్ సొంతం చేసుకోవచ్చు.

* పెసలు-పసుపు : ఒక పాత్ర తీసుకుని అందులో రెండు చెంచాల పెసళ్ళ పౌడర్, చిటికెడు పసుపు తీసుకోవాలి. ఆ రెండింటిలో కొద్దిగా పాలు జోడించి చిక్కని పేస్టులా తయారుచేసుకోవాలి. ఈ పేస్ట్ ను ముఖానికి పట్టించి 20 నిముషాల తర్వాత శుభ్రం చేసుకోవాలి.

* బంతిపువ్వులు-రోజ్ : బంతపువ్వుల రేకులను మెత్తని పేస్టులా చేసుకుని.. దానిలో కొన్ని చుక్కల రోజ్ వాటర్ వేసి మిక్స్ చేసుకోవాలి. ఈ మిశ్రమాన్ని ముఖం, మెడకు పట్టించి 15 నిముషాల తర్వాత చల్లటి నీటితో శుభ్రం చేసుకోవాలి. మిగతావాటితో ఈ రెమెడీ ఎంతో ఉత్తమమైంది.

* తేనె-రోజ్ వాటర్ : ఒక పాత్రలో ఒక చెంచా తేనె తీసుకుని అందులో చిటికెడు పసుపు వేసి మిక్స్ చేసుకోవాలి. ఈ మిశ్రమంలో కొన్ని చుక్కల రోజ్ వాటర్ మిక్స్ చేసి బాగా కలుపుకోవాలి. ఈ పేస్టును ముఖానికి పట్టించి 10 నిముషాల తర్వాత గోరువెచ్చని నీటితో శుభ్రం చేసుకోవాలి.

* తులసి-వేప : ఒక బౌల్ తీసుకుని అందులో కొన్ని తులసి ఆకులు, మరికొన్ని వేప ఆకులు తీసుకొని, వాటిని మెత్తని పేస్టులా చేసుకోవాలి. ఈ మిశ్రమంలో కొన్ని చుక్కల రోజ్ వాటర్ మిక్స్ చేసి, ముఖానికి పట్టించాలి. 15 నిముషాల తర్వాత గోరువెచ్చని నీటితో శుభ్రం చేసుకోవాలి.