ఈ ఫేస్ ప్యాకులతో అందమైన ముఖచర్మం సొంతం..

Posted: 11/12/2015 01:46 PM IST

చర్మసౌందర్యాన్ని మెరుగుపరచడంతోపాటు సహజత్వాన్ని అందించే కొన్ని ఆరోగ్యకరమైన ఫేస్ ప్యాక్స్ అందుబాటులో వున్నాయి. వాటిని కొన్నాళ్లపాటు రెగ్యులర్ గా చర్మానికి పట్టిస్తే.. కాంతులీనే సౌందర్యమే కాకుండా ఆరోగ్యకరమైన చర్మాన్ని పొందవచ్చు. మరి.. ఆ ఫేస్ ప్యాక్స్ ఏంటో తెలుసుకుందామా..

* నారింజ తొక్కలని ఎండలో బాగా ఎండబెట్టాలి. కొన్ని రోజులు ఇలా చేసిన తర్వాత వాటిని పౌడర్ చేసి పెట్టుకోవాలి. ఇప్పుడో పాత్రలో అర టీ స్పూన్ నారింజ తొక్క పౌడర్ తీసుకుని, అందులో ఒక టీ స్పూన్ పెరుగు వేసి బాగా కలుపుకోవాలి. ఒకవేళ మొటిమలు ఉంటే కొన్ని చుక్కలు నిమ్మరసం కూడా వేసుకోవచ్చు. ఈ మిశ్రమాన్ని ప్యాక్‌లా వేసుకుని 15 నిమిషాలపాటు అలాగే వుంచుకోవాలి. అనంతరం చల్లని నీటితో శుభ్రంగా కడిగేసుకోవాలి. ఇలా చేయడం వల్ల మెరిసే చర్మ సౌందర్యాన్ని పొందవచ్చునని బ్యూటీషన్లు చెబుతున్నారు.

* మస్క్ మెలోన్‌ను తీసుకుని దానిని మెత్తగా గుజ్జులా చేసుకోవాలి. ఈ గుజ్జులో కొద్దిగా ఉప్పు లేదా ఫుల్లర్స్ ఎర్త్‌ను వేసి బాగా మిక్స్ చేసుకోవాలి. ఈ మిశ్రమాన్ని శరీరానికి అప్లై చేసి మర్దన చేయాలి. ఇందులో నీళ్ళు అధికంగా ఉండటం వల్ల ఇది మాయిశ్చరైజర్‌గా పనిచేస్తుంది. ఫలితంగా ముడతలు పూర్తిగా నివారించబడి.. చర్మ నిగారింపు పెరుగుతుంది. మస్క మెలోన్ తో మరో ప్యాక్ చేసుకోవచ్చు. మస్క్ మెలోన్ తొక్క, లోపలి విత్తనాలను తొలగించి.. దాన్ని ముక్కలుగా చేసుకోవాలి. ఆ ముక్కలకు పంచదార మిక్స్ చేసుకోవాలి. అనంతరం ఆ ముక్కలతో శరీరానికి మర్ధన లేదా మసాజ్ చేస్తే.. చర్మంపై వుండే ఉండే డెడ్ స్కిన్ సెల్స్‌ తొలగించబడతాయి. ఫలితంగా యవ్వనంగా కనబడేలా చేస్తుందని బ్యూటీషన్లు అంటున్నారు.

* ఒక పాత్రలో మస్క్ మెలోన్ ముక్కలు, స్ట్రాబెర్రీ 3 వేసి వాటిని బాగా కలుపుకోవాలి. ఈ మిశ్రమంలో ఒక చెంచా ఓట్ మీల్, ఒక చెంచా తేనె వేసి మరోసారి బాగా కలుపుకోవాలి. ఇప్పుడు ఈ మిశ్రమాన్ని శరీరం, ముఖం, మెడకు అప్లై చేసి స్ర్కబ్ చేయాలి. 15 నిముషాలు అలాగే వుంచుకున్న తర్వాత మంచి నీటితో శుభ్రం చేసుకోవాలి. ఇలా చేయడం వల్ల చర్మం తేమగా, మృదువుగా, ప్రకాశవంతంగా తయారవుతుంది.

* ఒక పాత్రలో ఒక కప్పు మస్క్ మెలోన్ జ్యూస్ తీసుకొని అందులో శెనగపిండి వేసి బాగా మిక్స్ చేయాలి. ఈ మిశ్రమాన్ని బాడీ మొత్తం స్క్రబ్ చేసి 15 నిముషాల తర్వాత గోరువెచ్చని నీటితో శుభ్రం చేసుకోవాలి. తద్వారా చర్మం అందంగా.. ఆకర్షణీయంగా మారుతుందని బ్యూటీషన్లు అంటున్నారు.

* బటర్‌ను ఒక కప్పు పెరుగులో వేసి బాగా మిక్స్ చేసి ఫేస్ ప్యాక్‌కు వేసుకోవడం వల్ల డ్రై స్కిన్ నివారింబడుతుంది. కొద్దిగా కొబ్బరి నూనెతీసుకొని అందులో 2 చెంచాలా బటర్‌ను మిక్స్ చేయాలి. తర్వాత ఫేస్‌కు ప్యాక్‌గా వేసుకొని కాటన్‌తో తుడిచి చల్లటి నీటితో శుభ్రం చేసుకోవాలి.

* అలాగే గుప్పెడు బాదంను పొడి, చేసి అందులో 3టేబుల్ స్పూన్ల బటర్ వేసి బాగా మిక్స్ చేయాలి. తర్వాత దీన్ని ఫేస్ ప్యాక్‌ను పూతలా రాసుకోవాలి. పది నిమిషాలయ్యాక కడిగేస్తే మెరిసే సౌందర్యం లభిస్తుందని బ్యూటీషన్లు అంటున్నారు.