Posted: 01/09/2012 07:55 PM IST

        

  హీరో శ్రీకాంత్, మీనాక్షి దీక్షిత్ జంటగా నటిస్తోన్న సోషియో ఫాంటసీ చిత్రం `దేవరాయ`. ప్రస్తుతం ఈ చిత్ర షూటింగ్ హైదరాబాద్ లో జరుగుతోంది. సెప్టెంబర్లో నాచారం రామక్రిష్ణ స్టూడియోస్ లో తొలి షెడ్యూల్ పూర్తి చేశారు. అక్కడ రెండు భారీ సెట్స్ వేసి హిస్టారికల్ ఎపిసోడ్, గ్రాఫిక్ వర్క్ చిత్రీకరించటంతో పాటు శ్రీకాంత్, మీనాక్షి దీక్షిత్ పై ఓ పాట చిత్రీకరించారు. ఈనెల 2వతేదీ నుంచి యాక్షన్ ఎపిసోడ్ష్ హైదారాబాద్ లో షూట్ చేస్తున్నారు.

          ఇక రెండో షెడ్యూల్ పాలకొల్లులో 20 రోజుల పాటు జరిగింది. శ్రీకాంత్, ఎమ్మెస్ నారాయణ, జీవా, కొండవలస, రాధాకుమారి, తిరుపతి ప్రకాష్, జ్యోతి తదితరులపై కీలక సన్నివేశాలు చిత్రీకరించారు.

          ఈ మూవీతో తెలుగు తెరకు దర్శకునిగా పరిచయమవుతోన్న నానిక్రిష్ణ ఇది పూర్తి స్థాయి ఫాంటసీ చిత్రం అంటున్నారు. ఈ నెలాఖరు నాటికి టాకీ పర్ట్ పూర్తి చేస్తామని చెబుతున్నారు. నానిగాడి సినిమా సమర్పణలో సన్ రే ఇంటర్నేషనల్ సినిమా బ్యానర్ పై కిరణ్ జక్కంశెట్టి, నానిక్రిష్ణ ఈ చిత్రాన్ని నిర్మిస్తున్నారు.

...avnk