Posted: 04/27/2012 12:20 PM IST

               నందమూరి యంగ్ టైగర్ ఎన్టీఆర్, సింహా లాంటి బ్లాక్ బస్టర్ మూవీని అందించిన బోయపాటి శ్రీను కలయికలో వచ్చిన పవర్ ఫుల్ మూవీ ‘దమ్ము’. ఈ సినిమా ఇవాళే రిలీజై థియేటర్ల వద్ద దుమ్ము రేపుతోంది. రాష్ట్రవ్యాప్తంగా మూవీ విడుదలైన సినిమా హాల్ల్స్ వద్ద ఎన్టీఆర్ అభిమానులతో పాటు, చిత్ర ప్రేక్షకులు మొదటి రోజే ఈ సినిమా చూసేందుకు ఎగబడుతుండటంతో అన్ని థియేటర్ల వద్ద విపరీతమైన క్రౌడ్ కనిపిస్తోంది. తమ అభిమన హీరో సినిమా చూసేందుకు ప్రేక్షకులు క్యూలలో కిక్కిరిసి పోవటం దాదాపు అన్ని థియేటర్ల వద్దా హడావిడి ఉంది.
               క్రియేటివ్ కమర్షియల్ బ్యానర్ లో రూపొందిన ఈ మూవీ  ప్రపంచవ్యాప్తంగా 1250 థియేటర్లలో సందడి చేస్తోంది. కాగా, 'దమ్ము' చిత్రానికి 'ఎ' సర్టిఫికెట్‌‌ను సెన్సార్ బోర్డు మంజూరు చేసిన సంగతి తెలిసిందే. అయితే క్రిష్టా జిల్లాలో ఫోర్ట్ వివాదం నేపథ్యంలో ఇవాళ బంద్ కు పిలుపు ఇచ్చిన ద్రుష్ట్యా కొన్ని థియేటర్లలో ఉదయం ఆటలు రద్దుచేయగా, కొన్ని థియేటర్లు పూర్తిగా మూసి వేయటం తొలిరోజు వసూళ్ల మీద ప్రభావం చూపే పరిస్థితి కనిపిస్తోంది.
                కేఎస్.రామారావు సమర్పణలో కేఏ.వల్లభ నిర్మాతగా బోయపాటి శీను దర్శకత్వంలోఈ చిత్రం రూపొందింది. దుమ్ము చిత్రంలో హీరోయిన్లుగు త్రిషా, కార్తీక నటించింది.

....avnk