Posted: 06/05/2012 02:06 PM IST

       ‘చమ్మక్ చల్లో’ టైటిల్ మీద ప్రస్తుతం బాలీవుడ్ బాద్ షా చూపు పడింది. తాజాగా టాలీవుడ్ లో వరుణ్ సందేశ్ హీరోగా నీలకంఠ దర్శకత్వంలో రూపొందుతోన్న'చమ్మక్ చల్లో' చిత్రం షూటింగ్ పార్టుని పూర్తి చేసుకుంది. ప్రస్తుతం నిర్మాణాంతర కార్యక్రమాల్ని జరుపుకుంటోన్న ఈ సినిమా, టైటిల్ విషయంలో వివాదం ఎదురయ్యే సూచన కనిపిస్తోంది. ఈ టైటిల్ విషయంలో బాలీవుడ్ హీరో షారూఖ్ ఖాన్ అభ్యంతరాన్ని తెలియజేసినట్టు ప్రచారం జరుగుతోంది. కాగా,  'చమ్మక్ చల్లో' అనే పదం షారూఖ్ ఖాన్ సినిమా 'రా.వన్' పాట లోనిది. ఈ కారణంగానే ఈ పదం పాప్యులర్ అయింది. ప్రస్తుతం విదేశాల్లో ఉన్న షారూఖ్, అక్కడి నుంచి తిరిగి రాగానే ఈ సినిమా దర్శక నిర్మాతలకి లీగల్ నోటీసులు పంపించే ఉద్దేశంతో ఉన్నాడట. ఒకవేళ అదే జరిగితే కనుక, ఈ సినిమా టైటిల్ మార్చుకుంటాం గానీ ... లక్షలు పోసి టైటిల్ కొనే ప్రసక్తే లేదని చిత్ర నిర్మాత డి.ఎస్.రావు తెగేసి చెబుతున్నారు. ఇటీవల 'గబ్బర్ సింగ్' టైటిల్ కోసం 'షోలే' నిర్మాతలకి బండ్ల గణేష్ 25 లక్షలు చెల్లించిన సంగతి తెలిసిందే. దీంతో రావు ఈ వ్యాఖ్యలు చేశారు.

...avnk