Posted: 06/28/2012 01:17 PM IST

      ముళ్లపూడి వెంకటరమణ గొప్పవాడు. ఇందులో ఇసుమంత సంశయం కూడా ఎవరికీ ఉండదు. ఎందుకంటే ఆయన జీవిత గమనమే దీనికి నిదర్శనం. పూర్తి స్థాయి నిబద్దతతో, అనుకున్నది 100 శాతం సాధించిన ధీశాలి ఆయన. రమణ తర్వాతి తరాలే కాదు ఆయన సమకాలీనులు కూడా ఆయన గొప్పోడంటారు. ఆ మహనీయుని పుట్టిన రోజు ఇవాళ. అందుకు ఆ ఉద్దండుని జీవితం గూర్చి ఓ సారి మననం చేసుకుందాం.... 1931, జూన్ 28న తూర్పుగోదావరి జిల్లా ధవళేశ్వరంలో ముళ్లపూడి వెంకటరమణ జన్మించారు. యస్ .యస్ .సి, ఆనర్స్ మద్రాస్ కేసరి హైస్కూల్ లోనూ చదివుతున్నప్పుడు దర్శకుడు బాపు పరిచయమయ్యారు. చిన్నతనం నుంచే చదువులో ప్రతిభ గల విద్యార్థిగా ముళ్లపూడి గుర్తింపు పొందారు. పద్యాలు అల్లటం, నాటకాలు రాయటంలో దిట్ట. ఆర్థిక ఇబ్బందులతో చదువు ఆగిపోవటంతో చిన్న చిన్న ఉద్యోగాలెన్నే చేశారు. ఆంధ్రపత్రికలో సబ్ ఎడిటర్ గా పనిచేశారు. అప్పుడు ఆయన రాసిన బుడుగు విశేష ఆదరణ పొందింది. హాస్యాన్ని విమర్శనాత్మకంగా, వ్యంగ్యంగా చెప్పడంలో ఆయనది విశిష్టశైలి. 1962లో 'రక్తసంబంధం' ద్వారా సినిమా వైపు అడుగేసిన వెంకటరమణ, 1967లో 'సాక్షి' అనే సినిమాను నిర్మించారు. అందాలరాముడు, ముత్యాలముగ్గు, మిస్టర్  పెళ్లాం సినిమాలకు ఉత్తమ సంభాషణల రచయితగా రాష్ట్ర ప్రభుత్వం నుంచీ నంది అవార్డునందుకున్నారు. 1987లో రఘుపతి వెంకయ్య అవార్డును అందుకున్నారు. 1992లో తెలుగు విశ్వవిద్యాలయం ఆయన్ని డాక్టరేట్ తో గౌరవించింది.
   సుప్రసిద్ధ దర్శకుడు బాపూకి రమణ ఆత్మీయుడు, మంచి స్నేహితుడుకూడా.. రమణరాసిన వ్యాసాలకు, కథలకు బాపు చిత్రకారుడు. బాపు దర్శకత్వంలో, బాలకృష్ణ హీరోగా వచ్చిన 'శ్రీరామరాజ్యం' చిత్రానికి ఆయన కథారచయిత. ఇదే ఆయన చివరి చిత్రం. బాపు-రమణ కాంబినేషన్ లో వచ్చిన ప్రతీ చిత్రం ఒక ట్రెండ్ సెట్టరే అని చెప్పొచ్చు.
     సాక్షి, బంగారు పిచ్చుక, ముత్యాలముగ్గు, గోరంతదీపం, భక్తకన్నప్ప, తేనెమనసులు, మూగమనసులు వంటి ఎన్నో చిత్రాలు ఘనవిజయాలు సాధించాయి. ముళ్ళపూడి శ్రీరామరాజ్యం చిత్రాన్ని పూర్తిచేసిన తర్వాత అంటే 23 ఫిబ్రవరి 2011 లో అనారోగ్య కారణాలతో చెన్నైలో మహాభినిష్క్రమణం పొందారు.  తెలుగు పరిశ్రమకి  ఆయన మరణం తీరని లోటు.  అంతటి మహానియుడికి ఆంధ్రావిశేష్.కాం తమ వంతు నివాళులు ఆర్పిస్తోంది..

....avnk