Posted: 08/27/2012 02:07 PM IST

       నందమూరి నట సింహం బాలకృష్ణ హీరోగా నటించిన చిత్రం ‘శ్రీమన్నారాయణ’ ప్లాటినం డిస్క్ ఫంక్షన్ లో కొన్ని ఆసక్తికర విషయాలు వెల్లడించారు. ‘ ఈ చిత్రంలో నేను సమాజాన్ని మేల్కొలిపే ఒక టీవీ జర్నలిస్ట్ పాత్ర పోషించాను. మా నాన్న గారు ఎన్టీఆర్ ఎన్నో వైవిధ్యమైన పాత్రలు చేసారు. కానీ ఆయన ఆంజనేయుడిగా, నారదుడిగా మరియు జర్నలిస్ట్ పాత్రలను చేయలేదు. ఆ మూడు పాత్రలు నాకు చేసే అవకాశం వచ్చినందుకు చాలా ఆనందంగానూ మరియు గర్వం గాను ఉంది. అలానే ఈ చిత్రంలో కూడా ఇషా చావ్లా, పార్వతి మెల్టన్ లకు మంచి పాత్రలు దక్కాయి. ఒక సూపర్ హిట్ చిత్రాన్ని ప్రేక్షకులకు అందించాలని ఎంతో కసితో దర్శకుడు రవికుమార్ చావాలి చాలా బాగా తీసారు. అభిమానులు మాపై చూపే అబిమానం వెలకట్టలేనిది అందుకోసం నా తుది శ్వాస వరకు వారిని అలరిస్తూనే ఉంటానని’ ఆయన అన్నారు.
      ఈ కార్యక్రమమానికి అందాల భామ ఛార్మి, శ్రీ కాంత్, మంచు మనోజ్, ఎస్వీ కృష్ణా రెడ్డి, ఆర్.పి పట్నాయక్, బెల్లంకొండ సురేష్ తదితరులు హాజరయ్యారు. చక్రి సంగీతం అందించిన ఈ చిత్రాన్ని ఎల్లో ఫ్లవర్స్ బ్యానర్ పై రమేష్ పుప్పాల నిర్మించారు. ఇటీవలే విడుదల చేసిన ఈ చిత్ర ట్రైలర్లు ప్రేక్షకులను అమితంగా ఆకట్టుకోవడంతో ఈ చిత్రం పై అంచానాలు పెరిగిపోయాయి. ఈ చిత్రం ఈ నెల 30న ప్రేక్షకుల ముందుకు రానుంది.

...avnk