Posted: 08/27/2012 03:08 PM IST

       యంగ్ హీరో రానా కు అతని సినిమాల జయాపజయాలతో సంబంధం లేకుండా దూసుకుపోతున్నాడు.   క్రిష్ దర్శకత్వంలో రానా హీరోగా నటిస్తున్న తాజా చిత్రం ‘కృష్ణం వందే జగద్గురుమ్’. ఈ చిత్రం యు.ఎస్.ఎ రైట్స్ 90 లక్షలకు అమ్ముడు పోయాయి. రానా కెరీర్లో ఇంత పెద్ద మొత్తానికి హక్కులు అమ్ముడు పోవడం ఇదే మొదటిసారి. ‘గమ్యం’ ‘వేదం’ చిత్రాల దర్శకుడు క్రిష్ ఈ చిత్రానికి దర్శకత్వం వహించటం, దీనికి తోడు నయనతార హీరోయిన్ గా ఉండటం అమెరికా మార్కెట్ లో ఇంతరేటు రావటానికి కారణంగా చెప్పవచ్చు. ఈ చిత్రం తమిళ వెర్షన్ 'ఓంగారం' కూడా కోలీవుడ్ మార్కెట్లో హాట్ ప్రాపర్టీగా వుంది! కాగా, భారీ యాక్షన్ సన్నివేశాలతో పూర్తి ఎంటర్టైనర్ గా ఈ చిత్రం ఉంటుందని తెలుస్తోంది. ఈ చిత్రాన్ని జాగర్లమూడి సాయి నిర్మిస్తున్నారు. స్వరబ్రహ్మ మణిశర్మ సంగీతం అందిస్తున్నారు. ఇప్పటివరకూ టాలీవుడ్ లోనూ అటు బాలీవుడ్ లోనూ సరైన కమర్షియల్ హిట్ లేని రానాకి ‘కృష్ణం వందే జగద్గురుమ్’ ఎంతో కీలకంగా మారింది. ఈ చిత్ర మైనా రానాకు విజయాన్ని అందిస్తుందో లేదో..

...avnk