Posted: 09/05/2012 04:26 PM IST

  రేపు ప్రపంచవ్యాప్తంగా విడుదల కాబోతోంది భక్తిరస చిత్రం 'శిరిడీసాయి'. ఈ చిత్రం ఓ మహత్తర చిత్ర రాజంగా వర్థిల్లుతుందని యావత్ తెలుగు చిత్ర సీమ భావిస్తోంది. శిరిడి సాయి పాత్ర పోషించిన నాగ్ మాటల్లో ఈ చిత్రం గురించి.... ‘సాయి పాత్రలో నటించడం ఓ మధురమైన అనుభూతిని కలిగించింది. ఈ పాత్రలో నటించడం వల్ల నటుడిగా నా జన్మ ధన్యమైంది. ప్రారంభంలో ఈ పాత్రను తాను చేయగలనా? లేదా? అని సంశయించాను ... అయితే మనస్పూర్తిగా ఆ పాత్రలో లీనం కావడంతో బాగా వచ్చింది. సాయి పాత్ర చేయడం కోసం ఆయన గురించి పూర్తిగా తెలుసుకున్నా... ఆయన ఆచరించిన సూత్రం -  అనుసరించిన మార్గం నన్నుఎంతగానో ప్రభావితం చేశాయి. సమానత్వం ... ప్రేమతత్వమే సాయితత్వమని తెలిసింది ... ఎంతో పవిత్రతని పాటిస్తూ ఈ పాత్రని పోషించాను. అందరికీ ఆదర్శనీయంగా నిలిచే ఈ పాత్రలో నటించే అవకాశం దక్కడం తన పూర్వ జన్మ సుకృతం’ అన్నారు అక్కినేని నాగార్జున. రేపు ఈ సినిమా రిలీజ్ అవుతోన్న తరుణంలో చిత్ర యూనిట్ మీడియాతో కొద్ది సేపటి క్రితం ముచ్చటించింది.

...avnk