భారతీయుడు - 2 రాబోతున్నాడు

Posted: 04/19/2013 08:16 PM IST

ప్రస్తుతం బాలీవుడ్ లో టాలీవుడ్ లో సీక్వెల్స్ హవా కొనసాగుతూనే ఉంది. ఏ దర్శకుడైనా తాను తీసిన సినిమా సూపర్ హిట్ అయితే ఆ సినిమాకు సీక్వెల్ తీసేస్తున్నారు. తాజాగా పదిహేళ్ల క్రితం సంచన దర్శకుడు శంకర్, విలక్షణ నటుడు కమల్ హాసన్ కాంబినేషన్లో వచ్చిన ‘భారతీయుడు ’ అప్పట్లో ఓ ట్రెండ్ సెంటర్ ని క్రియేట్ చేసింది. ఈ సినిమా ప్రభావం జనాల పై విపరీతంగా పడింది. నాకు తెలిసి అవినీతి గురించి జనాలు అంతో ఇంతో చర్చించుకుందంటే ఈ సినిమా తరువాతేనేమో. ఆ చిత్రంలో కమల్ అభినయం అద్వితీయం.

తాజాగా అదే కాంబినేషన్లో ఈ సినిమాకు సీక్వెల్ రెడీ అవుతుందనే కోలీవుడ్ వర్గాల్లో వార్తలు జోరందుకున్నాయి. భారతీయుడు - 2 సినిమాకు సంబంధించి కథా చర్చలు కూడా జరిగాయని, దీనికి కమల్ గ్రీన్ సిగ్నల్ ఇచ్చాడని అంటున్నారు. ప్రస్తుతం శంకర్ ‘ఐ ’ సినిమా బిజీ లో ఉన్నాడు. ఈ సినిమా తరువాత ఇది పట్టాలెక్కనుందట అన్నీ కుదిరితే. ఇక ఈ చిత్రంలో తమిళ నటుడు సూర్య మెయిల్ రోల్ పోషించబోతున్నాడట. గతంలో 'భారతీయుడు' చిత్రాన్ని ఏ ఎం రత్నం నిర్మిస్తే ... ఇప్పుడీ సీక్వెల్ని ఆస్కార్ రవిచంద్రన్ నిర్మిస్తారట.