ముదురు తార పంట పండింది

Posted: 08/13/2013 06:14 PM IST

సినిమా ఇండస్డ్రీలో ఒకప్పటి కథానాయికలు వెండితెర పై దశబ్దాల కాలంగా నటించేవారు. కొంత మంది కధానాయికలు వందకు పైగా సినిమాల్లో నటించిన చరిత్ర కూడా ఉంది. కానీ రానురాను వెండితెరలో ఎన్నో మార్పులు చోటుకున్నాయి. కాలంతో పాటే ఇండస్డ్రీకి వచ్చే కథానాయికల సంఖ్య కూడా పెరిగిపోయింది. ఇక్కడి వారే కాకుండా ఎక్కడెక్కిడి వారో ఇండస్డ్రీకి దిగుమతి అవుతూ... ఉన్నవారికి గట్టి పోటీనిస్తున్నారు. ఈ పోటీలో ఇఫ్పుడున్న కధానాయికలు ఐదారు సంవత్సరాల కన్నా ఎక్కువ ఉండే పరిస్ధితి లేదు. ఇలాంటి పరిస్ధితుల్లో కూడా గత కొంత కాలంగా వెండి తెర పై మెరుస్తున్న కథానాయిక నయన తార. ఈ అమ్మడు ఇండస్ట్రీకి వచ్చి చాలా రోజులు అయినా ఈమె పై జనాలకు ఏ మాత్రం క్రేజ్ తగ్గలేదు. ప్రేమా, పెళ్లి అంటూ కొన్ని రోజులు ఇండస్ట్రీకి గ్యాప్ ఇచ్చి అవన్నీ బెడిసికొట్టిన తరువాత మళ్లీ రీ ఎంట్రీ ఇచ్చినా కూడా ఈ అమ్మడుకు అవకాశాలు తగ్గలేదు. ఇప్పుడున్న టాప్ హీరోయిన్ల కన్నా ఎక్కువ పారితోషికం తీసుకుంటూ వారి కన్నా ఎక్కువ సినిమాల్లో నటిస్తున్న నయన తారకు ఇప్పడో బంపర్ ఆఫర్ తగిలింది. హైదరాబాదులోని ప్రముఖ వస్త్రవ్యాపార సంస్థ కళానికేతన్ గ్రూపు త్వరలో తాను ప్రారంభించనున్న శ్రీనికేతన్ బ్రాండుకి నయనతారను ప్రచారకర్తగా ఎంచుకుంది. ఇందులో నటించడానికి ఈ అమ్మడు ఏకంగా కోటి రూపాయలు పుచ్చుకుంటుందట . ఇంత మొత్తం ఇవ్వడానికి కూడా ఆ సంస్ధ ముందుకు రావడంతో ఇప్పటికే పలు బ్రాండ్ లకు అంబాసిడర్ గా వ్యవహరిస్తున్న వారు నయన్  ని చూసి ఈర్శపడుతున్నారట.