జూనియర్ బట్టలు ఊడదీస్తున్నాడు

Posted: 09/30/2013 04:16 PM IST

ఒకప్పుడు బొద్దుగా, భారీ దేహంతో ఉండే టాలీవుడ్ స్టార్ హీరో జూనియర్ ఎన్టీఆర్ ఎంతో కష్టపడి తన బాడీలోని కొవ్వును అంతా కరగదీసుకొని సినీ జనాలు ఆశ్చర్యపోయే విధంగా కనిపించి అలరించాడు. ఆ మధ్య మళ్ళీ కాస్తంత ఒళ్ళు చేసిన ఎన్టీఆర్ ఇప్పుడు దాన్ని పూర్తిగా కరిగించి జీరో సైజ్ బాడీ లాగా తయారు చేశాడట. పనిలో పనిగా అందరి హీరోల్లా సిక్స్ ప్యాక్ బాడీ షేప్ కూడా రప్పించాడట. చాలా రోజుల నుండి ఓ ప్రత్యేక శిక్షకుడి దగ్గర శిక్షణ పొందిన ఎన్టీఆర్ ఇప్పుడు ఈ ఆరు పలకల దేహంతో ప్రేక్షకుల ముందుకు రాబోతున్నాడట.

ప్రస్తుతం ఈయన నటించిన ‘రామయ్యా వస్తావయ్యా ’ చిత్రంలో తన సిక్స్ ప్యాక్ బాడీని చూపించడానికి రెడీ అయ్యాడట. తెలుగు కథానాయకుల్లో అల్లు అర్జున్,  నితిన్, రామ్ చరణ్, నాగార్జున, సాయిరామ్ శంకర్, సునీల్ లాంటి వాళ్ళు ఆరు పలకల బాడీ చూపించి అలరించారు.. ఇప్పుడు ఎన్టీఆర్ కూడా ఆ జాబితాలోకి చేరబోతున్నాడని అంటున్నారు. చూద్దాం భారీ పర్పనాలిటీ నుండి జీరో సైజుకు వచ్చి విప్పి చూపిస్తున్న జూనియర్ ఎలా ఉంటాడో ?