మంచు విష్ణుకు గొంతు అరువిచ్చాడు

Posted: 10/02/2013 03:42 PM IST

టాలీవుడ్ లో ఇప్పుడు చిన్న, పెద్ద సినిమా అని తేడా లేకుండా దానికి జనాల్లో హైప్ క్రియేట్ చేయడానికి దర్శక నిర్మాతలు ఎన్నో హంగులు, ప్రయోగాలు చేస్తున్నారు. చిన్న హీరో సినిమా అయితే దానికి పెద్ద హీరోతో వాయిస్ చెప్పించడం, లేక ఆ సినిమాకు సంబంధించిన ఏదో ఒక విషయాన్ని బయటికి వదలడం చేస్తున్నారు. 

గతంలో పవన్ సినిమాకు మహేష్ బాబు వాయిస్ ఓవర్ ఇచ్చాడు. అలాగే రవితేజ సునీల్ సినిమాలో వాయిస్ ఓవర్ ఇచ్చాడు. ఇప్పుడు మళ్ళీ రవితేజ మంచు విష్ణు సినిమాలో వాయిస్ ఇవ్వబోతున్నాడని అంటున్నారు. విష్ణు తాజాగా నటిస్తున్న ‘దూసుకెళ్తా ’ చిత్రంలో చిన్న పాత్రకు డబ్బింగ్ చెప్పాడట. ఈ చిత్రంలో విష్ణు చిన్నప్పటి పాత్రకు రవితేజ చెప్పిన వాయిన్ బాగా సరదాగా ఉంటుందని చిత్ర యూనిట్ అంటుంది. అయితే సినీ జనాలు మాత్రం అవసరం లేకున్నా ఇలాంటి ట్రిక్కులు ప్లే చేసి సినిమాకు హైప్ క్రియేట్ చేస్తున్నారని అంటున్నారు.