‘ఆనంద్ ’ రాజా కి పెళ్ళి కుదిరింది

Posted: 01/27/2014 11:28 AM IST

తెలుగు యువ కథానాయకుడు ‘ఆనంద్ ’ ఫేం రాజా త్వరలో పెళ్లి కొడుకు కాబోతున్నాడు. శేఖర్ కమ్ముల దర్శకత్వంలో వచ్చిన ఈ సినిమాతో మంచి గుర్తింపు తెచ్చుకున్న రాజా తెలుగు, తమిళంలో అడపాదడపా సినిమా చేస్తున్నాడు. ఈయన చెన్నయ్ కి చెందిన అమ్రితను పెళ్ళి చేసుకోబోతున్నానని, మార్చి మొదటి వారంలో తన నిశ్చితార్ధం జరుగుతుందని, ఏప్రిల్ లో చెన్నయ్ లో పెళ్ళి ఉంటుందని, ఈ వివాహం పెద్దలు కుదిర్చినదేనని తెలియజేశాడు. ప్రస్తుతం ‘పార్కింగ్ ’ సినిమాలో నటిస్తున్న ఈయన ఆ మధ్యన ఇండస్ట్రీలోని కొంత మంది పెద్దలు చిన్న సినిమాలను ఆడనీయడం లేదని కామెంట్ కూడా చేశాడు. ఆ తరువాత నుండే ఇతన్ని ఇండస్ట్రీ వారు పక్కన పెట్టారనే వార్తలు కూడా ప్రచారం లో ఉన్నాయి.