పోలీస్ పాత్రలో నదియా అత్త

Posted: 02/16/2014 04:07 PM IST

అదిరేటి డ్రెస్సు ‘అత్త ’ వేస్తే... అనే పాటను పాడుకునే రోజులు వచ్చేశాయి. ఒకప్పుడు తన అందచందాలతో వెండి తెరను ఓ ఊపు ఊపిన అందాల సుందరి నదియా పెళ్లి చేసుకొని వెండితెరకు దూరం అయి, ఇటీవలే ప్రభాస్ నటించిన ‘మిర్చి ’ సినిమా ద్వారా రీ ఎంట్రీ ఇచ్చిన ఈమె  ‘అత్తారింటికి దారేది ’ సినిమాలో  ‘అత్త ’ క్యారెక్టర్ వేసి ఫాంలోకి వచ్చిన ఈమెకు ఫుల్ గిరాకి వచ్చింది.

ఇప్పటి వరకు అమ్మగా, అత్తగా కనిపించిన ఈమె ఇప్పుడు సూపర్ స్టార్ మహేష్ బాబుకు ‘అగడు ’ సినిమాలో అక్కగా కనిపించబోతుంది. ఇప్పుడు మరో అడుగు ముందుకు వేసి అదిరేటి పోలీస్ డ్రెస్సు వేసి హీరోయిన్ గా అలరించబోతుంది. మోహన్ లాల్, మీనా జంటగా వచ్చి మలయాళంలో సూపర్ హిట్ అయిన ‘దశ్యం ’ తమిళ రీమేక్ లో కమల్ హసన్ హీరోగా నటించనున్న విషయం తెలిసిందే.

కాగా ఇందులో కమల్ సరసన హీరోయిన్ గా నదియాని నటింపజేయాలనుకుంటున్నారట. ఈ సినిమాలో నదియా పోలీసు పాత్రలో కనిపించనుంది. ఇప్పటికే చర్చలు కూడా పూర్తైన ఈ సినిమా త్వరలోనే సెట్స్ మీదకు వెళ్ళనుందట. నాలుగు పదుల వయస్సులో కూడా హీరోయిన్ పాత్రలకు అడుగుతున్నారంటే నదియాలో అందాలు కుర్ర హీరోయిన్స్ కి ఏ మాత్రం తీసిపోని విధంగా ఉన్నాయనుకోవచ్చు.