బొమ్మాళి నీ మొగుడు ఎవరమ్మా ?

Posted: 06/09/2014 06:48 PM IST

Anushka shetty marriage proposal news reveal

సౌత్ సినిమా ఇండస్ట్రీలో మూడు పదులు దాటినా ఇంకా పెళ్ళి పీఠలు ఎక్కని హీరో, హీరోయిన్లు చాలా మందే ఉన్నారు. ఇప్పటికీ బ్యాచిలర్ లైఫ్ ని ఎంజాయ్ చేస్తున్న వారిలో టాలీవుడ్ బొమ్మాళి ఒకరు. అనేనండీ అనుష్క. ఇండస్ట్రీకి వచ్చి చాలా సంవత్సరాలు అయినా ఇప్పుటికీ అవకాశాల పరంగా ఓ మాత్రం పట్టుజారకుండా, అందాలు కరిగిపోకుండా బడా ప్రాజెక్టులు చేస్తున్న అనుష్కకు ఇక పెళ్ళి చేసి తన బాధ్యత తీర్చేసుకోవాలని అనుకంటున్నారట ఆమె తల్లిదండ్రులు.

అందుకోసం ఆమెకు ఈడు, జోడు కలిసే వరుడ్ని ఎంపిక చేసే పనిలో బిజీగా ఉన్నారట. చాలా రోజుల నుండి సంబంధాలు చూస్తున్న ఆమెకు ఇంకా తగిన వరుడు మాత్రం దొరకలేదట. ఇటీవలే చాలా సంబంధాలు చూసిన వాళ్ళు ముగ్గుర్ని ఎంపిక చేసి పెట్టారట. వారిలో ఒకరు బడా వ్యాపార వేత్త కాగా, మరొకరు ఇంజనీర్, ఇంకొకరు సినిమా దర్శకుడు అని సమాచారం.

వీరికి సంబంధించిన డిటేల్స్ అనుష్క ముందు ఉంచితే వారిలో ఎవర్ని సెలక్ట్ చేసుకుంటే అతనితోనే అనుష్క పెళ్లి. ప్రస్తుతం తెలుగులో చారిత్రాత్మక కథా చిత్రాలు రుద్రమదేవి, బాహుబలి చేస్తున్నారు.అలాగే తమిళంలో సూపర్ స్టార్‌తో తొలిసారిగా లింగా చిత్రంలో జోడీ కడుతున్నారు. అజిత్ సరసన మరో భారీ చిత్రంలో నటిస్తూ బిజీగా ఉన్నారు.

ఈ చిత్రాలు పూర్తవ్వడానికి కనీసం సంవత్సరం అయినా పడుతుంది. అంటే అనుష్క పెళ్ళి వచ్చే ఏడాదిలో ఉంటుందని అనుకోవచ్చు. అయితే సినీ వర్గాల నుండి అందుతున్న సమాచారం ప్రకారం అనుష్క సినీ దర్శకుడికే ఓకే చెప్పే అవకాశాలు ఉన్నాయని అంటున్నారు. ఎందుకంటే ఈ అమ్మడు దర్శకుడు క్రిష్ తో ప్రేమాయణం నడుపుతుందనే వార్తలు ప్రచారంలో ఉన్నాయి. సినీ జనాలు అనుకుంటున్నట్లు సినీ దర్శకుడిని సెలక్ట్ చేసుకుంటుందా ? లేక మరెవర్నయినా చేసుకుంటుందా ? వెయిట్ అండ్ సీ....

Knr