ప్రిన్స్ కోసం బికినీ వేసిన పవన్ పోరి!

Posted: 07/18/2014 03:29 PM IST

(Image source from: Sruthi hassan special song in agadu movie with mahesh babu)

ప్రిన్స్ మహేష్ బాబు హీరోగా, శ్రీనువైట్ల దర్శకత్వంలో తెరకెక్కుతున్న సినిమా ‘‘ఆగడు’’! ఇందులో మహేష్ బాబు సరసన హీరోయిన్ గా తమన్నా నటిస్తోంది. ఈ సినిమాలో శృతిహాసన్ ఒక ప్రత్యేక గీతంలో నటించనుందని అందరికీ తెలిసిన విషయమే! ఈ పాట షూటింగ్ జూలై 18వ తేదీ నుంచి ప్రారంభమవుతుంది. 4 నిముషాల వరకు నిడివి వుండే ఈ పాట... ప్రేక్షకజనాలను బాగా నచ్చుతుందని, సినిమాకు ప్రత్యేకంగా క్రేజ్ తెస్తుందని భావిస్తున్నారు.

తాజాగా ఈ పాటకోసం శృతిహాసన్ బికినీ ధరించుకుందని ఇన్ సైడ్ టాక్ వినిపిస్తోంది. మహేష్ బాబులాంటి స్టార్ హీరోతో మొదటిసారి స్టెప్పులు వేసే అవకాశం రావడంతో శృతి ఇలా శృతిమించేవిధంగా డ్రెస్సులు ధరిస్తోందని యూనిట్ సభ్యులు చెబుతున్నారు. ఈమె కాస్ట్యూమ్స్ చాలావరకు కురుచుగా డిజైన్ చేసి వున్నాయని, దాదాపు అవి బికినీలా కనువిందు చేస్తాయని చెప్పుకుంటున్నారు. దీంతో శృతిహాసన్ బికినీలో దర్శనమీయబోతోందని వార్తలు ఫిల్మ్ ఇండస్ట్రీలో షికార్లు చేస్తున్నాయి.

ఇప్పటికే ఈ ప్రత్యేక పాట చాలా బాగా వచ్చిందంటూ దర్శకుడు శ్రీనువైట్ల, మ్యూజిక్ డైరెక్టర్ తమ ట్విటర్ ద్వారా అందరికి చెప్పుకున్నారు. ఈ సాంగ్ చిత్రీకరణ పూర్తవగానే చిత్ర యూనిట్ నార్వేకి షిఫ్ట్ అవుతుందని, అక్కడ మహేష్ - తమన్నాల మధ్య రెండు పాటలను తెరకెక్కిస్తారని దర్శకనిర్మాతలు పేర్కొంటున్నారు. ఆగస్టు రెండవ వారంలో ఈ సినిమా పాటలు విడుదల చేస్తున్నట్టు చెప్పిన నిర్మాతలు... సెప్టెంబర్ 19వ తేదీన చిత్రాన్ని రిలీజ్ చేయనున్నట్టు స్పష్టం చేశారు.