నిమిషానికో లక్ష తీసుకుంటున్నాడట

Posted: 10/16/2014 11:39 AM IST

Watch gift to dhanush for singing a in vajrakaya movie

‘వై దిస్ కొలవరి’ అనే ఒకే పాటతో ఊపేసిన ధనుష్ అభిమానుల కోసం మరోసారి పాట పాడాడు. త్వరలోనే కొలవరి గొంతును ఫ్యాన్స్ వినబోతున్నారు. కన్నడలో వస్తున్న ‘వజ్రకాయ’ అనే సినిమాలో ఓ పాటను ధనుష్ పాడాడు. ఈ సినిమాకు సంగీతం అందిస్తున్న అర్జున్ జన్య.., ఓ పాటకు ధనుష్ గొంతు అయితేనే బాగుంటుందని భావించి చెన్నైకి వెళ్లి కలిశాడు. లిరిక్స్ విన్పించటంతో గొంతు అద్దెకిచ్చేందుకు ఒప్పుకున్నట్లు శాండిల్ వుడ్ వర్గాలు చెప్తున్నాయి. మంగళవారమే ఈ పాటను చెన్నై స్టూడియోలో రికార్డ్ చేశారట.

ఇకపోతే సినిమాలో దాదాపు నాలుగు నిమిషాలు ఉండే ఈ పాట కోసం ధనుష్ కు ఇస్తున్నది రూ.4లక్షలట. అయితే ఇది డబ్బు రూపంలో మాత్రం కాదు.., పాట పాడినందుకు ధనుష్ కు ఓ ఖరీదైన వాచిని బహుమతిగా ఇవ్వాలనుకుంటున్నారు. ఈ వాచి విలువ రూ.4లక్షలు ఉంటుందని అంతా చెప్తున్నారు. డబ్బులు ఇస్తే.., ధనుష్ గొంతుకు వెల కట్టినట్లు అవుతుంది కాబట్టి ఇలా బహుమతి అందిస్తున్నామని నిర్మాత మనోహర్ చెప్పారు. అయితే ఈ చేతి వాచి ధర ఎంతో మాత్రం ఆయన చెప్పలేదు. కానీ మార్కెట్లో ప్రస్తుతం ఖరీదైన వాచిల్లో ఎక్కువగా వాడుతున్నది రూ.4లక్షలు ఉండటంతో ఇదే వాచి ఇస్తారని కోలీవుడ్ లో ప్రచారం జరుగుతోంది.

శివరాజ్ కుమార్ హీరోగా ‘వజ్రకాయ’ రూపొందుతోంది. హర్ష ఈ సినిమాను డైరెక్ట్ చేస్తున్నాడు. చాలారోజుల తర్వాత ధనుష్ పాట పాడటంతో.., ఈ సినిమాకు పాట ప్లస్ పాయింట్ అవుతుందని కన్నడ సినీ వర్గాలు అంటున్నాయి. రజినికాంత్ అల్లుడిగా అందరికి సుపరిచితుడైన ధనుష్ మంచి నటుడిగా గుర్తింపు తెచ్చుకున్నాడు. ఆయన పాడిన తొలి పాట ‘వై దిస్ కొలవరి’ దేశ వ్యాప్తంగా ప్రజాదరణ పొందింది. ఈ పాటతోనే ధనుష్ పాపులర్ అయ్యాడు. ఆ తర్వాత చాలామంది తెలుగు హీరోలు ఈ తరహా పాటలను పాడారు.

కార్తిక్