అక్కినేని సిసింద్రీకి బాలీవుడ్ లవ్లీ బ్యూటీ ఫిక్స్

Posted: 02/11/2015 10:40 AM IST

అక్కినేని అఖిల్ సినిమా ముహూర్త కార్యక్రమాలు ఇటీవలే జరిగిన విషయం తెలిసిందే. అఖిల్ సరసన నటించబోయే హీరోయిన్ కోసం సినిమా ప్రారంభం కాకముందు నుంచే చాలా వార్తలొచ్చిన విషయం తెలిసిందే. హీరోయిన్ల జాబితాలో బాలీవుడ్ హీరోయిన్ ఆలీయా భట్ నుంచి తాజాగా రాబోతున్న ధనుష్ ‘అనేకుడు’ సినిమాలోని అమీరా దస్తర్ వరకు చాలా మంది పేర్లు వినిపించాయి.

కానీ తాజాగా బాలీవుడ్ బ్యూటీ సయేశాను అఖిల్ సరసన హీరోయిన్ గా ఎంపిక చేసారు. త్వరలోనే షూటింగ్ ప్రారంభించనున్నారు. ఇక త్వరలోనే షూటింగ్ కూడా ప్రారంభం కాబోతుంది. వి.వి.వినాయక్ దర్శకత్వంలో రూపొందనున్న ఈ సినిమాను అన్నపూర్ణ స్టూడియోస్ సమర్పణలో శ్రేష్ఠ్ మీడియా పతాకంపై నితిన్ తన తండ్రి సుధాకర్ రెడ్డితో కలిసి ఈ చిత్రాన్ని నిర్మిస్తున్నారు. రచయిత వెలిగొండ శ్రీనివాస్ ఈ సినిమాకు కథ అందిస్తున్నారు.

కోన వెంకట్ – గోపి మోహన్ లు స్క్రీన్ ప్లే, మాటలు సమకూరుస్తున్నారు. ఈ సినిమాలో నితిన్ ఓ గెస్ట్ రోల్ లో కనిపించనున్నాడు. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలు త్వరలోనే అధికారికంగా ప్రకటించనున్నారు.