ఈ అనేకుడు ఏంది ఇలా వున్నాడు!

Posted: 02/11/2015 10:45 AM IST

ధనుష్ హీరోగా ‘రంగం’ ఫేం దర్శకుడు కె.వి.ఆనంద్ దర్శకత్వంలో రూపొందిన తాజా తమిళ చిత్రం ‘అనేగన్’. ఈ చిత్రాన్ని తెలుగులో ‘అనేకుడు’ పేరుతో విడుదల చేయనున్నారు. అమైరా దస్తూర్ హీరోయిన్. కల్పాత్తి.ఎస్, అగోరం సమర్పణలో ఎ.జి.ఎస్. ఎంటర్టైన్మెంట్ బ్యానర్లో రూపొందుతుంది.

కల్పాత్తి ఎస్.అఘోరం, కల్పాత్తి ఎస్.గణేష్, ఎస్.కల్పాత్తి సురేష్ సంయుక్తంగా నిర్మిస్తున్నారు. భారీ అంచనాలతో రూపొందుతున్న ఈ చిత్రానికి హారీస్ జయరాజ్ సంగీతం అందిస్తున్నాడు. ఈ చిత్ర ఆడియోను ఇటీవలే విడుదల చేసారు. సోనీ మ్యూజిక్ ద్వారా మార్కెట్లోకి ఆడియో విడుదలయ్యాయి. పాటలకు మంచి రెస్పాన్స్ వస్తోంది.

అలాగే ఈ చిత్ర తెలుగు వర్షన్ ట్రైలర్ ను కూడా విడుదల చేసారు. ఈ ట్రైలర్ ప్రస్తుతం టాలీవుడ్ లో అందరి అంచనాలను తారుమారు చేస్తోంది. ఈ సినిమా ఎలా వుండబోతోంది అనే అంచనాలు మొదలయ్యాయి. విభిన్న కథాంశంతో రూపొందిన ఈ సినిమా తెలుగు, తమిళంలో ఒకేసారి విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే ఈ చిత్రాన్ని ప్రపంచ వ్యాప్తంగా విడుదల చేయనున్నారు.