శృతియా మజాకా.. ఒకే దెబ్బకు రెండు పిట్టలు!

Posted: 03/17/2015 10:39 AM IST

సినీ ఇండస్ట్రీలో ఎంట్రీ ఇచ్చిన తొలినాళ్లలో ‘ఐరెన్ లెగ్’గా పేరొందిన సెక్సీ బ్యూటీ శృతిహాసన్.. ఆ తర్వాత పవన్ కల్యాణ్ సరసన ‘గబ్బర్ సింగ్’ తో భారీ విజయం సాధించింది. ఇక అప్పటినుంచి ఈ అమ్మడికి వరుసగా హిట్స్ రావడంతో ‘గోల్డెన్ లెగ్’ బ్యూటీగా పేరొందింది. అంతే! ఒకేసారి ఇంత ఇమేజ్ రావడంతో తెలుగు, తమిళంతోపాటు హిందీలోనూ వరుసగా ఆఫర్లు దక్కించుకుంటోంది. మరోవైపు ఐటెంసాంగుల్లో నృత్యించడంతోపాటు కొన్ని ప్రైవేట్ కంపెనీలకు బ్రాండ్ అంబాసిడర్ గానూ కొనసాగుతోంది. మొత్తంగా చెప్పాలంటే.. తీరిక సమయం లేకుండా నిత్యం షూటింగుల్లోనూ గడిపేస్తోంది ఈ భామ!

ఇదిలావుండగా.. ప్రస్తుతం ఈ అమ్మడు మహేష్ సరసన ‘శ్రీమంతుడు’ (వర్కింగ్ టైటిల్) సినిమాలో నటిస్తోంది. అలాగే బాలీవుడ్ లోనూ అక్షయ్ కుమార్ సరసన ‘గబ్బర్’ సినిమాలోనూ నటిస్తోంది. ఒకేసారి జరగుతున్న ఈ రెండు మూవీ షూటింగులకు శృతి ఎంతో కష్టపడి తన టైమింగ్స్ మెయింటేన్ చేస్తూ పాల్గొంటోంది. అయితే.. ఈ నేపథ్యంలోనే ఈ అమ్మడికి అనుకోకుండా ఓ చిక్కు వచ్చిపడింది. తొలుత ఆ చిక్కు ఎలా బయటపడాలో సతమతమైన ఈ అమ్మడు.. చివరగా తెలివిగా ఆలోచించి ఆ చిక్కుముడి నుంచి బయటపడింది. ఇంతకు.. ఆ చిక్కుముడి ఏంటా..? అని ఆలోచిస్తున్నారా..! అది తెలియాలంటే మేటర్ లోకి వెళ్లాల్సిందే!

‘గబ్బర్’ సినిమాలో శృతి ఓ పాట పాడనున్నట్లు గతంలోనే వార్తలొచ్చిన విషయం తెలిసిందే! అయితే.. అప్పట్లో డేట్స్ కుదరక ఈ అమ్మడు పాట పాడలేక పోయింది. అయితే.. ఇప్పుడు ఈ మూవీ షూటింగ్ చివరదశకు చేరుకోవడంతో ఇప్పుడు ఖచ్చితంగా పాడాల్సి వుంది కాబట్టి.. ఆ మూవీ యూనిట్ ఈమెని సంప్రదించింది. అయితే.. ఈ అమ్మడు మహేష్ మూవీ షూటింగులో ఫుల్ బిజీగా వుంది. ఇలా అక్కడి నుంచి పిలుపురావడంతో ఈ అమ్మడు ఆందోళనలో పడిపోయింది. అప్పుడు ఈ భామ ఈ తెలుగు మూవీ యూనిట్ తో కాస్త సమయం పర్మిషన్ తీసుకుని.. ముంబైకి వెళ్లింది. అక్కడ కేవలం ఒకే గంటలో పాట పాడేసి, తిరిగి మహేష్ సినిమా షూటింగ్ లో పాల్గొంది.

ఈ విధంగా ఈ అమ్మడు ఒకేసారి రెండు సినిమాల షూటింగుల్లో పాల్గొనడం, పనిమీద వున్న డెడికేషన్ చూసి యూనిట్ సభ్యులు ఆశ్చర్యపోవడంతోపాటు ఈమెను పొగడ్తలతో ముంచెత్తుతున్నారు. ఇప్పుడు ఈ విషయం మీదే ఇండస్ట్రీలోనూ చర్చించుకుంటున్నారు. శృతిలాగే అందరూ అడ్జస్ట్ చేసుకుని వర్క్ మీద కాస్త ధ్యాస చూపిస్తే.. దర్శకనిర్మాతలకు అంతగా ప్రాబ్లమ్ వుండదని అంతా చెప్పుకుంటున్నారట! దీంతో శృతియా మజాకా అంటూ ఆమెకు కితాబిస్తున్నారు.