స్టైలిష్ ‘10 ఎన్రాదుకుల్ల’ ఫస్ట్ లుక్ పోస్టర్ విడుదల

Posted: 04/17/2015 12:26 PM IST

10 enradhukulla movie first look released

‘అపరిచితుడు’, ‘మల్లన్న’, ‘ఐ’ చిత్రాలతో తెలుగు ప్రేక్షకులకు దగ్గరయిన హీరో విక్రమ్ పుట్టినరోజు నేడు(ఏప్రిల్ 17). తమిళంలోనే కాకుండా తెలుగులో కూడా విక్రమ్ కు భారీ క్రేజ్ వుంది. ఈ పుట్టినరోజు సంధర్భంగా విక్రమ్ కు ప్రత్యేకంగా శుభాకాంక్షలు తెలియజేస్తుంది తెలుగు విశేష్.

విక్రమ్ హీరోగా నటిస్తున్న తాజా తమిళ చిత్రం ‘10 ఎన్రాదుకుల్ల’. ‘గోలీసోడా’ ఫేం విజయ్ మిల్టన్ దర్శకత్వంలో తెరకెక్కుతున్న ఈ చిత్రంలో విక్రమ్ సరసన సమంత హీరోయిన్ గా నటిస్తుంది. ఇందులో సమంత మోడ్రన్ అమ్మాయిగా, నేపాలీ విలేజ్ అమ్మాయిగా రెండు విభిన్న పాత్రలలో నటిస్తోంది. అయితే విక్రమ్ పుట్టినరోజు సంధర్భంగా ఈ చిత్రంలోని విక్రమ్ ఫస్ట్ లుక్ పోస్టర్ ను విడుదల చేసారు.

ఇందులో విక్రమ్ చాలా స్టైలిష్ గా, యూత్ గా కనిపిస్తున్నాడు. ప్రస్తుతం ఈ చిత్ర షూటింగ్ శరవేగంగా జరుగుతోంది. డి. ఇమాన్ సంగీతం అందిస్తున్నాడు. జాకీష్రాఫ్ మరియు ఛార్మింగ్ గర్ల్ ఛార్మి ఓ ఐటెం సాంగులో చిందేయనున్నారు. మురుగదాస్ నిర్మిస్తున్న ఈ చిత్రాన్ని తెలుగు, తమిళ భాషలలో ప్రపంచ వ్యాప్తంగా మే నెలలో విడుదల చేయనున్నారు. ఈ చిత్ర ఫస్ట్ లుక్ పోస్టర్ మీకోసం అందిస్తున్నాం.. మీరు ఓ లుక్కేయండి.

Vikram-10-enradhukulla-movi