గబ్బర్ సింగ్2 కోసం దేవి కుమ్మేస్తున్నాడు!

Posted: 05/16/2015 12:07 PM IST

Devi sri prasad started music for gabbar singh2

పవర్ స్టార్ పవన్ కళ్యాణ్ హీరోగా నటించిన ‘గబ్బర్ సింగ్’ చిత్రం ఎంతటి ఘనవిజయం సాధించిందో అందరికి తెలిసిందే. ఒకవైపు పవన్ కళ్యాణ్ యాక్టింగ్, డైలాగ్స్ అనుకుంటే.. మరోవైపు దేవిశ్రీప్రసాద్ సంగీతం. ‘గబ్బర్ సింగ్’ సినిమాకు దేవిశ్రీప్రసాద్ అందించిన పాటలు, బ్యాగ్రౌండ్ మ్యూజిక్ ఇప్పటికీ దుమ్మలేపుతున్నాయి.

‘గబ్బర్ సింగ్’ సినిమాలో ప్రతి ఒక్కపాట సూపర్ హిట్. పవన్ కళ్యాణ్ కు వున్న క్రేజ్ ను ‘గబ్బర్ సింగ్’ పాటలు మరికాస్త పెంచేసాయి. అలాంటి పవర్ స్టార్ తో దేవి ఇప్పటికే ‘జల్సా’, ‘గబ్బర్ సింగ్’, ‘అత్తారింటికి దారేది’ చిత్రాలకు పనిచేసాడు. ఈ సినిమాల పాటలన్నీ కూడా బ్లాక్ బస్టర్ హిట్టయ్యాయి.

ప్రస్తుతం మళ్లీ పవన్ కళ్యాణ్, దేవిల కాంబినేషన్లో రాబోతున్న తాజా చిత్రం ‘గబ్బర్ సింగ్2’. బాబీ దర్శకత్వంలో రూపొందనున్న ‘గబ్బర్ సింగ్2’ చిత్రాన్ని నార్త్ స్టార్ బ్యానర్లో ప్రముఖ నిర్మాత శరత్ మరార్ నిర్మించనున్నారు. తాజాగా ఈ చిత్రానికి సంబంధించిన మ్యూజిక్ సెట్టింగ్స్ చెన్నైలో ప్రారంభమయ్యాయి.

ఈ ప్రాజెక్టు ఈనెల 29న సెట్స్ పైకి వెళ్లనుందని తెలిసింది. మే 29 నుంచి రెగ్యులర్ షూటింగ్ ప్రారంభం కానున్నట్లుగా టాలీవుడ్ సినీవర్గాల సమాచారం. నిరవధికంగా షూటింగ్ జరిపి, వచ్చే ఏడాది సంక్రాంతికి సినిమాను విడుదల చేయాలని ప్లాన్ చేస్తున్నట్లుగా తెలిసింది. త్వరలోనే ఈ విషయాన్ని అధికారికంగా ప్రకటించనున్నారు.

పవన్ సరసన అనీషా అంబ్రోస్ మొదటి హీరోయిన్ గా ఖరారు అయ్యింది. త్వరలోనే రెండవ హీరోయిన్ ను ఫైనలైజ్ చేయనున్నారు. ‘గబ్బర్ సింగ్’ చిత్రం కంటే డబుల్ పవర్ తో ‘గబ్బర్ సింగ్2’ ఆడియో ఇవ్వడానికి దేవి ప్రయత్నిస్తున్నాడు. ప్రీ ప్రొడక్షన్ పనులు దాదాపు పూర్తయ్యాయని తెలిసింది. మరికొద్ది రోజుల్లో అన్ని వివరాలు తెలియనున్నాయి.

video courtesy: Telugu Filmnagar