వారెవ్వా... భజ్రంగీ భైజాన్ ట్రైలర్ అదుర్స్

Posted: 06/19/2015 10:27 AM IST

Bajrangi bhaijaan movie official trailer

బాలీవుడ్ స్టార్ హీరో సల్మాన్ ఖాన్ నటిస్తున్న తాజా చిత్రం ‘భజ్రంగీ భైజాన్’. టైటిల్ కు తగ్గట్లుగానే ఇందులో ఓ పాపకు అండగా సల్మాన్ నటించాడు. పాకిస్థాన్ నుంచి వచ్చి తప్పిపోయిన ఓ చిన్నారిని తిరిగి పాకిస్థాన్ లోని తన ఇంటికి ఎలా చేర్చాడనే కథాంశంతో తెరకెక్కుతోంది.

ఇటీవలే విడుదలైన టీజర్ యూట్యూబ్ రికార్డులను క్రియేట్ చేసింది. అలాగే ‘సెల్ఫీ లే లే రే’ పాటకు భారీ రెస్పాన్స్ వచ్చింది. అయితే తాజాగా ఈ చిత్ర థియేటర్ ట్రైలర్ ను విడుదల చేసారు. ఈ ట్రైలర్ విడుదలై 24 గంటలు గడవకముందే యూట్యూబ్ రికార్డులను షేక్ చేస్తుంది. ఇప్పటికే ఈ వీడియోను 608,317 మంది వీక్షించారు.

ఇక ముందు ముందు ఈ ట్రైలర్ ఎన్ని రికార్డులను తిరగరాయనుందో చూడాలి. సల్మాన్ సరసన కరీనా కపూర్ హీరోయిన్ గా నటిస్తుంది. భారీ అంచనాలతో రూపొందుతున్న ఈ చిత్రాన్ని స్వయంగా సల్మాన్ ఖాన్ నిర్మిస్తున్నాడు. కబీర్ ఖాన్ దర్శకత్వంలో తెరకెక్కుతున్న ఈ చిత్రానికి ప్రీతమ్ సంగీతం అందిస్తున్నాడు. ఈ చిత్రాన్ని ప్రపంచ వ్యాప్తంగా జులై 17న విడుదల చేయబోతున్నారు.