సల్మాన్ పాట మికాసింగ్ దొంగలించేసాడట!

Posted: 07/06/2015 12:59 PM IST

బాలీవుడ్ స్టార్ హీరో సల్మాన్ ఖాన్ నటిస్తున్న ‘భజ్రంగీ భైజాన్’ సినిమాలోని ‘ఆజ్ కీ పార్టీ.. మేరీ తరఫ్ సే..’ అనే పాట టీజర్ ను ఇటీవలే విడుదల చేసిన విషయం తెలిసిందే. ఈ పాట ప్రస్తుతం యూట్యూబ్ లో దుమ్మురేపుతోంది. సల్మాన్ తన అభిమానులకు మరియు రంజాన్ మాసం సంధర్భంగా అందరికి ఈ పాట ద్వారా ఓ పార్టీ వలే అంకితం చేసారు.

అయితే ఈ పాట తన దగ్గర నుంచి ప్రముఖ బాలీవుడ్ సింగ్ మికాసింగ్ దొంగలించేసాడని సల్మాన్ కామెంట్లు చేసాడు. నిజానికి ఈ పాటను సల్మాన్ స్వయంగా పాడాలని అనుకున్నాడట. కానీ ఈలోపు మికాసింగ్ ఈ పాటను పాడేసి తన కోరిక నెరవేరకుండా చేసేసాడు. మికాసింగ్ ఆ సాంగ్ ను బాగా పాడేసి తన ఖాతాలో వేసేసుకున్నాడంటూ సల్మాన్ చమత్కరించాడు.

‘భజ్రంగీ భైజాన్’ సినిమా విడుదలకు సిద్ధమవుతున్న సంధర్భంగా ఈ చిత్ర ప్రమోషన్ కార్యక్రమాలను భారీగా ప్రారంభించనున్నారు. కబీర్ ఖాన్ దర్శకత్వంలో తెరకెక్కుతున్న ఈ చిత్రాన్ని స్వయంగా సల్మాన్ ఖాన్ నిర్మిస్తున్నాడు. సల్మాన్ సరనన కరీనా కపూర్ హీరోయిన్ గా నటిస్తుంది.