లండన్ లో యంగ్ టైగర్ హల్చల్

Posted: 07/18/2015 09:29 AM IST

Ntr sukumar latest film shooting updates

సుకుమార్ దర్శకత్వంలో యంగ్ టైగర్ ఎన్టీఆర్, రకూల్ ప్రీత్ సింగ్ హీరోహీరోయిన్లుగా ఓ చిత్రం తెరకెక్కుతోంది. ప్రస్తుతం ఈ చిత్ర షూటింగ్ లండన్ లో జరుగుతోంది. ఇటీవలే షూటింగ్ ప్రారంభించిన యూనిట్.. తొలి షెడ్యూల్ ను ఓ పాట షూటింగ్ తో ప్రారంభించారు.

డాన్స్ మాస్టర్ రాజుసుందరం నేతృత్వంలో ఎన్టీఆర్, రకూల్ లపై ఓ పాటను చిత్రీకరించారు. ఈ పాట షూటింగ్ ను తాజాగా పూర్తి చేసుకున్నారు. అయితే సాంగ్ షూటింగ్ అయిపోయిన వెంటనే ప్రస్తుతం యాక్షన్ సీన్లలో ఎన్టీఆర్ బిజీ అయ్యాడు. ప్రస్తుతం పీటర్ హెయిన్స్ నేతృత్వంలో ఓ భారీ యాక్షన్ ఎపిసోడ్ ను చిత్రీకరిస్తున్నారు.

లండన్ లో మొదలైన ఈ షెడ్యూల్ సెప్టెంబర్ 20 వరకూ కంటిన్యూగా జరుగనుంది. ఆ తర్వాత షెడ్యూల్ యూరప్ లో జరుగనుంది. ఇందులో ఎన్టీఆర్ చాలా స్టైలిష్ లుక్ లో కనిపించనున్నాడు. జగపతిబాబు, రాజేంద్రప్రసాద్ ఓ కీలక పాత్రలలో కనిపించనున్నారు. ఈ చిత్రానికి ‘నాన్నకు ప్రేమతో’ అనే టైటిల్ పరిశీలిస్తున్నారు.

బివిఎస్ఎన్ ప్రసాద్ నిర్మిస్తున్న ఈ చిత్రానికి దేవిశ్రీప్రసాద్ సంగీతం అందిస్తున్నాడు. పవర్ ఫుల్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.