దేవి స్టైలిష్ పులి ప్రోమో సాంగ్ విడుదల

Posted: 09/14/2015 01:27 PM IST

Vijay puli movie tamil promo song released

తమిళంలో విజయ్ హీరోగా నటిస్తున్న భారీ బడ్జెట్ చిత్రం ‘పులి’. ఎస్.కె.టి స్టూడియోస్ బ్యానర్ పై చింబుదేవన్ దర్శకత్వంలో తెరకెక్కుతున్న ఈ చిత్రాన్ని సిబు థమీన్స్, పి.టి.సెల్వకుమార్ నిర్మిస్తున్నారు. ఈ చిత్రాన్ని తెలుగులో ఎస్.వి.ఆర్ మీడియా ప్రై.లి. బ్యానర్ పై సి.శోభ గ్రాండ్ గా విడుదల చేస్తున్నారు.

తెలుగు, తమిళం, హిందీ భాషలలో ఏకకాలంలో రూపొందుతున్న ఈ చిత్ర తమిళ ఆడియో ఇటీవలే విడుదలై మంచి టాక్ ను సొంతం చేసుకుంది. ఈ చిత్ర తెలుగు ఆడియోను ఈనెల 19న హైదరాబాద్ లోని శిల్పకళావేదికలో పలువురు సినీ ప్రముఖుల సమక్షంలో జరుపనున్నారు.

Video Courtesy : Sony Music India

దేవిశ్రీప్రసాద్ సంగీతం అందిస్తున్నాడు. తాజాగా ఈ చిత్ర ప్రమోషన్ సాంగ్ ను విడుదల చేసారు. ఇందులో రాక్ స్టార్ దేవిశ్రీప్రసాద్ తనదైన శైలిలో ‘పులి’ ప్రమోషన్ సాంగ్ ను ఇరగదీసేసాడు. అంతేకాకుండా తనదైన స్టైల్ లో డాన్స్ కూడా చేసి, ఆ పాటకు మరింత జోష్ ను తీసుకొచ్చాడు.

ఇప్పటికే విడుదలైన ఈ చిత్ర ట్రైలర్లకు భారీ రెస్పాన్స్ వస్తోంది. ఇందులో విజయ్ సరసన శృతిహాసన్, హన్సికలు హీరోయిన్లుగా నటిస్తున్నారు. శ్రీదేవి కపూర్, సుదీప్ లు ప్రధాన పాత్రలలో నటించారు. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్రాన్ని అక్టోబర్ 1న ప్రపంచ వ్యాప్తంగా తెలుగు, తమిళం, హిందీ భాషలలో గ్రాండ్ గా విడుదల చేయనున్నారు.