ఎట్టకేలకు ‘సైజ్ జీరో’ విడుదల తేదీ ఖరారయ్యింది

Posted: 09/26/2015 04:03 PM IST

Anushka shetty size zero movie release date fixed arya prakash kovelamudi pvp banner

అనుష్క ప్రధాన పాత్రలో నటించిన మరో ప్రయోగాత్మక చిత్రం ‘సైజ్ జీరో’. తెలుగు, తమిళ భాషల్లో ఏకకాలంలో రూపొందిన ఈ చిత్రంలో ఆర్య హీరోగా నటిస్తున్నాడు. ఈ చిత్రానికి సంబంధించి ఇప్పటికే ఫస్ట్ లుక్ పోస్టర్లు, టీజర్ కూడా విడుదలయ్యింది. అయితే.. ఈ మూవీ విడుదల తేదీపై దర్శకనిర్మాతలు ఇన్నాళ్లూ క్లారిటీ ఇవ్వలేకపోయారు. షూటింగ్ సమయంలో చాలా బిజీగా వున్న నేపథ్యంలో విడుదల తేదీని ఖరారు చేయలేకపోయారు. అయితే.. ఇప్పుడు తాజాగా ఈ సినిమా విడుదల తేదీని ఖరారు చేశారు. ఈ చిత్రం పోస్ట్ ప్రొడక్షన్ పనులు చివరిదశకు చేరుకున్న నేపథ్యంలో.. అక్టోబర్ 9వ తేదీన ప్రేక్షకుల ముందుకు తేనున్నట్లు యూనిట్ ప్రకటించింది. తొలుత మరో డేట్ కి ఈ సినిమాని రిలీజ్ చేయాలని భావించారని, కానీ చివరగా అక్టోబర్ 9వ తేదీనే ఫిక్స్ చేసినట్లు యూనిట్ వెల్లడించింది.

ప్రకాష్ కోవెలమూడి దర్శకత్వంలో రూపొందిన ఈ సినిమా పీవీపీ సంస్థ నిర్మించింది. కీరవాణి అందించిన మ్యూజిక్ ఈ సినిమాకు మేజర్ హైలైట్స్‌లో ఒకటిగా నిలుస్తుందని సినిమా యూనిట్ చెబుతూ వస్తోంది. ఇక ఇందులో ప్రధానపాత్రలో నటించిన అనుష్క ఈ మూవీకి మేజర్ హైలైట్ అని అంటోంది. ఇప్పటికే తన కెరీర్లో ఎన్నో ప్రయోగాలు చేసి, హీరోయిన్‌గా సూపర్ స్టార్‌డమ్‌ను సొంతం చేసుకున్న అనుష్క, సైజ్ జీరో సినిమా ద్వారా మరో సాహసం చేసి అందరినీ ఆశ్చర్యపరిచింది. ఈ సినిమా కోసం ఆమె 30 కేజీలకు పైనే బరువు పెరగడం నిజంగా గర్వించదగ్గ విషయమనే చెప్పుకోవాలి. ఇటీవల విడుదలైన ఈ టీజర్.. ఈ సినిమాపై మరింత ఆసక్తి రేపింది. అటు దర్శకనిర్మాతలు సైతం ఈ చిత్రం విజయం సాధిస్తుందని నమ్మకంతో వున్నారు. మరి.. ఈ సినిమా విజయం సాధిస్తుందో లేదో తెలియాలంటే.. అక్టోబర్ 9వ తేదీ వరకు వెయిట్ చేయాల్సిందే!