నవంబర్ లో కమల్ చీకటిరాజ్యం విడుదల!

Posted: 10/02/2015 01:13 PM IST

Kamal haasan cheekati rajyam movie release date

‘ఉత్తమ విలన్’, ‘పాపనాశం’ వంటి వరుస హిట్ చిత్రాల తర్వాత ఉలగనయగన్, తమిళ స్టార్ హీరో కమల్ హాసన్ నటిస్తున్న తాజా చిత్రం ‘చీకటి రాజ్యం’. తమిళంలో ‘తూంగవనం’ పేరుతో తెరకెక్కుతోంది. రాజ్ కమల్ ఫిలింస్ ఇంటర్నేషనల్ పతాకంపై రాజేష్ ఎం.సెల్వని దర్శకత్వంలో ఎన్.చంద్రహాసన్ నిర్మిస్తున్నారు.

ఇటీవలే ఈ చిత్ర షూటింగ్ పూర్తయ్యింది. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఇటీవలే వినాయక చవితి సంధర్భంగా విడుదల చేసిన థియేటర్ ట్రైలర్ కు భారీ రెస్పాన్స్ వస్తోంది. ఇందులో కమల్ చాలా స్టైలిష్ గా కనిపిస్తున్నాడు. త్రిష హీరోయిన్ గా నటిస్తుంది. నటి మధుశాలిని ఓ కీలక పాత్రలో నటిస్తుంది.

ఈ చిత్రాన్ని నవంబర్ 10వ తేదిన తెలుగు, తమిళం భాషలలో ప్రపంచ వ్యాప్తంగా భారీ ఎత్తున విడుదల చేసేందుకు చిత్ర యూనిట్ సన్నాహాలు చేస్తున్నారు. ఇప్పటికే విడుదలైన ట్రైలర్ కు భారీ రెస్పాన్స్ దక్కించుకోవడంతో... ‘చీకటి రాజ్యం’ చిత్రంపై భారీ అంచనాలే నెలకొన్నాయి.