తమిళ స్టార్ ప్రొడ్యూసర్ తో హీరోయిన్ డేటింగ్

Posted: 10/02/2015 04:40 PM IST

‘ఇద్దరమ్మాయిలతో’ సినిమాలో తొడలు కనిపించేలా అందాల ప్రదర్శన చేసిన కేథరిన్ థ్రేసా... ఆ తర్వాత పలు చిత్రాల్లో నటించింది. కానీ ఆ సినిమాలన్నీ కూడా అనుకున్న స్థాయిలో విజయం సాధించలేకపోయింది. దీంతో ఈ అమ్మడు కోలీవుడ్ లో వరుస అవకాశాలు దక్కించుకుంటూ బిజీగా మారింది. కానీ కేథరిన్ పై తమిళ మీడియాలో కొన్ని పుకార్లు వినిపిస్తున్నాయి.

కేథరిన్ ప్రస్తుతం తమిళ సినీ పరిశ్రమకు చెందిన ఓ స్టార్ ప్రొడ్యూసర్ తో ప్రేమాయణం కొనసాగిస్తుందని తమిళ సినీ వర్గాల్లో గుసగుసలు వినిపిస్తున్నాయి. కానీ ఆ ప్రొడ్యూసర్ ఎవరు అనే విషయం మాత్రం ఇంకా బయటకు రావడం లేదు. అయితే వీరిద్దరు మాత్రం చాలా క్లోజ్ గా వుంటున్నారని, కలిసి టూర్లకు తిరిగేస్తున్నారంటూ వార్తలొస్తున్నాయి.

అయితే ఈ పుకార్లపై కేథరిన్ స్పందిస్తూ... ఆ వార్తల్లో ఎలాంటి నిజం లేదని, తాను ఎవరితో డేటింగ్ చేయడం లేదని... ప్రస్తుతం సినిమాలపైనే పూర్తి దృష్టి సారించినట్లుగా కేథరిన్ తెలిపింది. ప్రస్తుతం తమిళంలో ఈ అమ్మడు వరుస చిత్రాలతో బిజీగా వుంది. మరి ఈ పుకార్లలో ఎలాంటి నిజం వుందో త్వరలోనే తెలియనుంది.