ఈసారి లేడీస్ హాస్టల్లో శ్వేతాబసు ప్రసాద్ భయానక సంఘటనలు

Posted: 10/29/2015 10:19 AM IST

‘కొత్త బంగారులోకం’ చిత్రంతో తెలుగు ప్రేక్షకులకు దగ్గరయిన బొద్దుగుమ్మ శ్వేతాబసు ప్రసాద్... ఆ తర్వాత పలు సినిమాల్లో నటించినప్పటికీ అంతగా క్రేజ్ ను దక్కించుకోలేకపోయింది. వరుస ఫ్లాపులతో తెలుగు ప్రేక్షకులకు దూరమయ్యింది. కానీ ఇటీవలే ఓ వ్యభిచారం కేసులో అరెస్టయ్యి మళ్లీ వెలుగులోకి వచ్చింది. కానీ ఈ కేసు నుంచి శ్వేతాబసు ఎట్టకేలకు బయటపడింది.

ఇదిలా వుంటే ఇపుడు సినీ కెరీర్ పైనే తన దృష్టి సారించింది. గతంలో బాలీవుడ్ లోని పలు టీవి సీరియల్స్ లలో నటించిన ఈ అమ్మడు మళ్లీ తాజాగా ఓ హిందీ టీవీ సీరియల్ లో నటించడానికి గ్రీన్ సిగ్నల్ ఇచ్చేసింది. ‘డర్ సబ్ కో లగ్తా హై’ అనే టీవి సీరియల్ కాన్సెప్ట్ నచ్చడంతో ఈ ప్రాజెక్టుకు శ్వేతా గ్రీన్ సిగ్నల్ ఇచ్చేసింది.

సిటీకి కొత్తగా వచ్చిన అమ్మాయికి హాస్టల్లో ఎదురైన భయానక సంఘటనలు, అనుభవాల కథాంశంతో ఈ సీరియల్ రూపొందనుంది. త్వరలోనే ఈ ప్రాజెక్టు సెట్స్ పైకి వెళ్లనుంది. మరి ఇందులో శ్వేతా ఎలా కనిపించనుందో చూడాలి.