సర్దార్ తో మరో హాట్ బ్యూటీ రొమాన్స్

Posted: 11/24/2015 10:41 AM IST

పవర్ స్టార్ పవన్ కళ్యాణ్ నటించే సినిమాలో ఎంత మంది స్టార్ హీరోయిన్లు, గ్లామరస్ భామలు వున్నా కూడా... అందరి కన్ను పవన్ మీదనే. పవన్ స్ర్కీన్ మీద కనిపిస్తే పక్కనున్న క్యారెక్టర్లన్నీ కూడా అంతగా కనిపించవు. స్ర్కీన్ ప్రెజెన్స్ లో పవర్ స్టార్ కు ఓ డిఫరెంట్ స్థానం వుంది. ప్రేక్షకులను తన యాక్టింగ్ తో తనవైపు ఆకర్షించుకోగల స్టార్ హీరో పవన్ కళ్యాణ్.

అలాంటి పవన్ కళ్యాణ్ నటిస్తున్న తాజా చిత్రంలో హీరోయిన్ల సంఖ్య పెరుగుతోంది. ప్రస్తుతం పవన్ కళ్యాణ్ నటిస్తున్న తాజా చిత్రం ‘సర్దార్ గబ్బర్ సింగ్’. ఇందులో కాజల్ అగర్వాల్ హీరోయిన్ గా నటిస్తుంది. అలాగే ఇందులోని ఓ ముఖ్యమైన పాత్రలో హాట్ బ్యూటీ రాయ్ లక్ష్మీ నటిస్తుంది. అలాగే పవన్ తో కలిసి రెండు మాస్ మసాలా పాటల్లో చిందులేస్తుంది. ఈ సినిమాలోకి తాజాగా మరో యంగ్ హీరోయిన్ వచ్చి చేరింది.

‘సర్దార్ గబ్బర్ సింగ్’ సినిమాలో యువ నటి సంజన కూడా ఓ కీలక పాత్రలో నటిస్తుంది. ప్రస్తుతం ఈ చిత్ర షూటింగ్ శరవేగంగా జరుగుతోంది. రాక్ స్టార్ దేవిశ్రీప్రసాద్ అదిరిపోయే మ్యూజిక్ ను అందిస్తున్నాడు. ‘పవర్’ ఫేం బాబీ దర్శకత్వంలో నార్త్ స్టార్ ఎంటర్ టైన్మెంట్స్ ప్రై.లిమిటెడ్ బ్యానర్, పవన్ కళ్యాణ్ క్రియేటివ్ వర్క్స్ బ్యానర్లపై నిర్మాత శరత్ మరార్ నిర్మిస్తున్నారు.

హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ సినిమాపై భారీ అంచనాలే నెలకొన్నాయి. వచ్చే సంవత్సరం సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే అన్ని వివరాలను చిత్ర యూనిట్ అధికారికంగా ప్రకటించనున్నారు.