మహేష్ చేతుల మీదుగా భలే మంచి రోజు ఆడియో విడుదల

Posted: 11/26/2015 09:47 AM IST

Mahesh babu launch bhale manchi roju audio

సుధీర్ బాబు హీరోగా నటిస్తున్న తాజా చిత్రం ‘భలే మంచి రోజు’. శ్రీరామ్ ఆదిత్య దర్శకుడిగా పరిచయమవుతున్న ఈ చిత్రాన్ని 70mm ఎంట‌ర్‌టైన్‌మెంట్స్ బ్యాన‌ర్ పై విజ‌య్ కుమార్ రెడ్డి, శ‌శిథ‌ర్ రెడ్డి లు సంయుక్తంగా నిర్మిస్తున్నారు. ఇందులో సుధీర్ సరసన వామిఖ గబ్బి, ధన్య బాలకృష్ణన్ హీరోయిన్లుగా నటిస్తున్నారు.

సన్ని ఎం.ఆర్ సంగీతం అందించిన ఈ చిత్ర ఆడియోను నిన్న హైదరాబాద్ లో విడుదల చేసారు. ఈ కార్యక్రమానికి ప్రిన్స్ మహేష్ బాబు ముఖ్యఅతిథిగా విచ్చేసి, ఆడియో సీడీలను విడుదల చేసారు. తొలి సీడీని దగ్గుబాటి రానా అందుకున్నారు. అలాగే ఈ కార్యక్రమంలో మహేష్, రానాలతో పాటు చిత్ర యూనిట్ సుధీర్ బాబు, వామిఖా, రెజీనా, సందీప్ కిషన్ తదితరులు పాల్గొన్నారు.

ఈ కార్యక్రమంలో మహేష్ మాట్లాడుతూ... దర్శకుడు శ్రీరామ్ ఆదిత్య కాన్ఫిడెన్స్ బాగా నచ్చింది. అలాగే ట్రైలర్ బాగా నచ్చింది. సుధీర్ హర్డ్ వర్కింగ్ పర్సన్. తనకు ఒక మంచి హిట్ పడితే చాలు తను స్టార్ అయిపోతాడు. ఈ సినిమాతో తనకు ఆ హిట్ వస్తుందని అనుకుంటున్నాను. చిత్ర యూనిట్ అందరికి అభినందనలు చెప్పుకొచ్చారు.

క్రైమ్ కామెడీ థ్రిల్లర్ కథాంశంతో ఇది వరకూ చూడని ఓ నేపధ్యంలో వస్తున్న ఈ సినిమాను డిసెంబర్ లో విడుదల చేయడానికి సన్నాహాలు చేస్తున్నారు. కెమెరా- షామ్‌ద‌త్‌, సంగీతం- స‌న్ని.య‌మ్‌.ఆర్‌, ఆర్ట్‌- రామ‌కృష్ణ‌, మాట‌లు-అర్జున్ అండ్ కార్తిక్‌, ఎడిటింగ్‌-యమ్‌.ఆర్‌.వ‌ర్మ‌, కో-డైర‌క్ట‌ర్- శ్రీర‌మ్ రెడ్డి, నిర్మాత‌లు- విజ‌య్‌కుమార్ రెడ్డి, శ‌శిధ‌ర్ రెడ్డి, ద‌ర్శక‌త్వం- శ్రీరామ్ ఆదిత్య