స్మిత గ్లామరస్ ‘బాహ కిలిక్కి’ సాంగ్

Posted: 12/23/2015 01:32 PM IST

ప్రముఖ టాలీవుడ్ పాప్ లేడీ సింగర్ స్మిత మరోసారి తన కొత్త కిలికిలి పాటతో ప్రేక్షకుల ముందుకొచ్చింది. ఇప్పటివరకు తన హస్కీ వాయిస్ తో అలరించిన స్మిత.. ఈసారి కిలికిలి భాషతో ఓ పాటను రూపొందించి, తన గ్లామర్ తో చిందులేస్తూ అదరగొడుతోంది.

‘బాహుబలి’ సినిమాలో ‘కాలకేయ’ పాత్రలో ప్రభాకర్ మాట్లాడిన ‘కిలికిలి’ భాష ఎంత ప్రజాదారణ పొందిందో అందరికి తెలిసిందే. అయితే ఇదే భాషతో స్మిత ఓ పాటను రూపొందించింది. ఈ పాటకు మదన్ కార్కీ సాహిత్యం, అచ్చు సంగీతాన్ని అందించారు. బాస్కో డాన్స్ కంపోజ్ చేసిన ఈ పాటలో స్మితతో పాటు ప్రభాకర్, నోయల్ లు చిందులేసారు.

ఈ పాటను స్మిత ‘బాహుబలి’ టీంకు అంకితమిచ్చారు. ఈ పాటలో స్మిత చాలా గ్లామరస్ లుక్ తో కనిపించింది. అలాగే కాలకేయగా మరోసారి ప్రభాకర్ ఓ భయంకరమైన లుక్ తో ఆకట్టుకున్నాడు. ఈ పాటకు ప్రస్తుతం మంచి రెస్పాన్సే వస్తుంది. ఆ పాటను మీకోసం అందిస్తున్నాం.. మీరు చూసి ఆనందించండి.