నేడే ‘కళ్యాణ వైభోగమే’ పాటల సందడి

Posted: 01/02/2016 10:13 AM IST

Kalyana vaibhogame movie audio launch on 2 january

‘అలా మొదలైంది’ సినిమాతో మంచి దర్శకురాలుగా గుర్తింపును దక్కించుకున్న ప్రముఖ లేడి డైరెక్టర్ నందిని రెడ్డి దర్శకత్వంలో రూపొందుతున్న తాజా చిత్రం ‘కళ్యాణ వైభోగమే’. యువ హీరోహీరోయిన్లు నాగశౌర్య, మాళవిక నాయర్ జంటగా నటిస్తున్న ఈ చిత్రాన్ని శ్రీ రంజిత్ మూవీస్ పతాకం పై కె .ఎల్. దామోదర్ ప్రసాద్ నిర్మిస్తున్నారు.

కళ్యాణ్ కోడూరి సంగీతం అందించిన ఈ పాటలను ఇప్పటికే మార్కెట్లోకి నేరుగా విడుదల చేసారు. మధుర ఆడియో ద్వారా ఈ పాటలను విడుదల చేసారు. ఇందులో మొత్తం 6 పాటలున్నాయి. ఈ 6 పాటలకు లక్ష్మీ భూపాల్ సాహిత్యాన్ని అందించారు. సాఫ్ట్ మెలోడిస్ గా ఈ పాటలు చాలా బాగున్నాయి. కళ్యాణీ కోడూరి ఫ్లేవర్ ఎక్కడా మిస్ కాలేదని చెప్పుకోవచ్చు.

అయితే ఈరోజు ‘కళ్యాణ వైభోగమే’ ఆడియోను పలువురు సినీ ప్రముఖుల మధ్య విడుదల చేయనున్నారు. ఇప్పటికే ఈ పాటలకు మంచి రెస్పాన్స్ వస్తుండటంతో చిత్ర యూనిట్ చాలా ఆనందంగా వున్నారు. ఇప్పటికే విడుదలైన ఈ చిత్ర టీజర్ కు మంచి రెస్పాన్స్ వస్తోంది. ప్రేమ, పెళ్లి వంటి అంశాలతో చక్కటి ఫ్యామిలీ ఎంటర్ టైనర్ గా రూపొందుతున్న ఈ చిత్రాన్ని త్వరలోనే విడుదల చేయడానికి సన్నాహాలు చేస్తున్నారు.