శ్రీజ-కళ్యాణ్ ల పెళ్లి శుభలేఖ

Posted: 03/17/2016 12:13 PM IST

మెగాస్టార్ చిరంజీవి చిన్న కూతురు శ్రీజ రెండవ వివాహం ప్రముఖ వ్యాపారవేత్త కళ్యాణ్ తో జరుగనున్న విషయం తెలిసిందే. శ్రీజ వివాహం తన చిన్నప్పటి క్లాస్ మేట్ అయినటువంటి కళ్యాణ్ తో జరుగనుంది. ఈ వివాహానికి సంబంధించిన ఏర్పాట్లు ఇప్పటికే చిరు ఇంట్లో సందడిగా జరుగుతున్నాయి.

ఈ కార్యక్రమంలో మెగా ఫ్యామిలీ, బంధుమిత్రులతో సంతోషంగా జరుగుతున్నాయి. ఇదిలా వుంటే శ్రీజ వివాహం తేదిని ఖరారు చేసారు. శ్రీజ-కళ్యాణ్ ల వివాహం మార్చి 31న, హైదరాబాద్ లోని పార్క్ హయత్ లో గ్రాండ్ గా జరుగనుంది. ఈ వివాహానికి సంబంధించిన శుభలేఖను చాలా క్లాసీగా డిజైన్ చేయించారు.

ఈ వివాహ వేడుకకు ఆంధ్ర, తెలంగాణ రాజకీయ నాయకులతో పాటు, సినీ ప్రముఖులు, వ్యాపారవేత్తలు హాజరుకానున్నట్లుగా తెలుస్తోంది. ప్రస్తుతం మెగా హీరోలంతా వారి వారి సినిమా షూటింగ్ లలో బిజీగా వున్నారు. మార్చి 29నుంచి మెగాహీరోలంతా ఈ వేడుకలో పాల్గొననున్నారు.