‘పోలీసోడు’గా రాబోతున్న విజయ్ ‘థేరి’

Posted: 03/31/2016 09:57 AM IST

ఇళయథలపతి విజయ్ నటిస్తున్న తాజా తమిళ చిత్రం ‘థేరి’. ‘రాజా రాణి’ ఫేం దర్శకుడు అట్లీ దర్శకత్వంలో రూపొందుతున్న ఈ చిత్రాన్ని కలైపులి ఎస్.థాను సమర్పణలో వి క్రియేషన్స్ బ్యానర్ పై కలైపులి ఎస్.థాను భారీ బడ్జెట్ తో నిర్మిస్తున్నారు. జి.వి. ప్రకాశ్ కుమార్ సంగీతం అందించిన పాటలు ఇటీవలే విడుదలై మంచి టాక్ రెస్పాన్స్ ను సొంతం చేసుకున్నాయి.

ఇప్పటికే విడుదలైన టీజర్, ట్రైలర్లకు అద్భుతమైన రెస్పాన్స్ వచ్చింది. సినిమాపై వున్న అంచనాలు భారీగా పెంచేసాయి. ఈ చిత్రాన్ని తెలుగులో ప్రముఖ నిర్మాత దిల్ రాజు సమర్పకులుగా వ్యవహరిస్తున్నారు. తెలుగు వర్షెన్ కు ‘పోలీసోడు’ అనే టైటిల్ ను నిర్ణయించారు. మరికొద్ది రోజుల్లో అధికారికంగా పోస్టర్లు, ట్రైలర్లను విడుదల చేయనున్నారు.

విజయ్ సరసన సమంత, అమీజాక్సన్ హీరోయిన్లుగా నటిస్తున్నారు. ఏప్రిల్ నెలలో ఈ చిత్రాన్ని గ్రాండ్ గా తమిళం, తెలుగు భాషలలో విడుదల చేయనున్నారు. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. తెలుగులో ఈ చిత్రాన్ని దిల్ రాజు ప్రమోట్ చేస్తుండటంతో అంచనాలు మరింతగా పెరిగాయి.