విడుదలైన విజయ్ ‘పోలీసోడు’ ఫస్ట్ లుక్

Posted: 04/02/2016 06:15 PM IST

ఇళయతలపతి విజయ్ నటించిన "తెరి" చిత్రం తెలుగులో "పోలీసోడు" అనే టైటిల్ తో విడుదల కానుంది. ఈ చిత్రాన్ని తెలుగులో నిర్మాత దిల్ రాజు మరియు కలయిపులి ఎస్ థాను విడుదల చేస్తున్న సంగతి తెలిసిందే. ఈ చిత్రం తెలుగు టైటిల్ ను అధికారికం గా ప్రకటించటం జరిగింది. ‘రాజా రాణి’ చిత్రంతో మంచి పేరు సంపాదించుకున్న అట్లి దర్శకత్వంలో ముస్తాబవుతోన్న ఈ చిత్రంపై భారీ అంచనాలు ఉన్నాయి. భారీ వ్యయంతో, అత్యున్నత సాంకేతిక విలువలతో ఈ చిత్రాన్ని అట్లి తెరకెక్కించారు.

"తుపాకి వంటి సూపర్ హిట్ చిత్రాలతో మంచి ఫాంలో ఉన్న విజయ్ హీరోగా, ‘రాజారాణి’తో మంచి పేరు తెచ్చుకున్న అట్లి దర్శకత్వంలో వస్తోన్న ఈ చిత్రాన్ని తెలుగులో శ్రీ వెంకటేశ్వర క్రియేషన్స్ సంస్థ ద్వారా విడుదల అవుతుంది. ఈ చిత్రానికి తెలుగులో ‘పోలీసోడు’ అనే మాస్ టైటిల్ ను ఖరారు చేసాం. ఏప్రిల్ లో భారీ విడుదలకు ప్లాన్ చేస్తున్నాం అని దిల్ రాజు తెలిపారు. ప్రస్తుతం నిర్మాణాంతర కార్యక్రమాలు జరుపుకుంటోన్న ఈ చిత్రం ఆడియో వివరాలను త్వరలోనే ప్రకటిస్తాం అని చిత్ర బృందం తెలిపింది.

విజయ్, సమంత, అమీ జాక్సన్, ప్రభు, రాధిక, మహేంద్రన్ తదితరులు ప్రధాన పాత్రలలో నటిస్తున్నారు. దర్శకత్వం - స్క్రీన్ ప్లే - అట్లి; ఫోటోగ్రఫీ - జార్జ్ సి విలియమ్స్; ఎడిటర్ - అన్తోనీ రుబెన్; సంగీతం - జి . వి . ప్రకాష్ కుమార్; సహా నిర్మాతలు - శిరీష్ , లక్ష్మణ్; నిర్మాతలు - రాజు, కలైపులి ఎస్ థాను.