యంగ్ టైగర్ అభిమానులకు శుభవార్త

Posted: 05/27/2016 11:32 AM IST

‘నాన్నకు ప్రేమతో’ తర్వాత యంగ్ టైగర్ ఎన్టీఆర్ హీరోగా నటిస్తున్న 26వ చిత్రం ‘జనతా గ్యారేజ్’. హిట్ చిత్రాల దర్శకుడు కొరటాల శివ దర్శకత్వంలో రూపొందుతున్న ఈ చిత్రాన్ని మైత్రీ మూవీ మేకర్స్ సంస్థ ప్రతిష్టాత్మకంగా నిర్మిస్తోంది. మలయాళ సూపర్ స్టార్ మోహన్ లాల్ ఓ ముఖ్య పాత్రలో నటిస్తున్నారు.

ఇప్పటికే విడుదలైన ‘జనతా గ్యారేజ్’ ఫస్ట్ లుక్ పోస్టర్లకు భారీ రెస్పాన్స్ వచ్చింది. తమిళ, మలయాళం సినీతారలు కూడా ఈ పోస్టర్లకు ఫిదా అయిపోయారు. అయితే ఈ సినిమా ఫస్ట్ లుక్ టీజర్ ను రేపు(మే 28) స్వర్గీయ శ్రీ నందమూరి తారక రామారావు గారి జయంతి సందర్భంగా విడుదల చేయనున్నట్లుగా తెలిసింది.

ప్రస్తుతం ఈ చిత్ర షూటింగ్ చెన్నైలో జరుగుతోంది. అక్కడ కొన్ని యాక్షన్ సీన్లను తెరకెక్కిస్తున్నారు. స్టైలిష్ లవ్, యాక్షన్ ఎంటర్ టైనర్ గా రూపొందుతున్న ఈ సినిమాలో ఎన్టీఆర్ సరసన సమంత, నిత్యామీనన్ హీరోయిన్లుగా నటిస్తున్నారు. చెన్నై షెడ్యూల్ తర్వాత మళ్ళీ హైద్రాబాద్‌లోని అన్నపూర్ణ స్టూడియోస్‌లో పాట చిత్రీకరణ జరగనుంది.

దేవిశ్రీప్రసాద్ సంగీతం అందిస్తున్నాడు. భారీ అంచనాలతో రూపొందుతున్న ఈ చిత్రాన్ని ఆగష్టు నెలలో విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.