మంచు మనోజ్ మరో చిత్రం..!

Posted: 06/30/2016 10:19 AM IST

సన్నాఫ్ పెదరాయుడు, రాంబో సినిమాలు షూటింగ్ దశలో ఉండగానే హీరో మంచు మనోజ్ మరో సినిమాకి శ్రీకారం చుట్టాడు. గతంలో తమిళ సినిమా రావణదేశం సినిమా చేసిన అజయ్ నూతక్కి అనే కొత్త దర్శకుడికి అవకాశం ఇచ్చాడు. ఈ సినిమా ఒక సస్పెన్స్ థ్రిల్లర్ గా ఉంటుందని, అజయ్ తీసిన సినిమా బాగా నచ్చడంతో అతను ఈ కథను బాగా డీల్ చేస్తాడని నమ్మి అవకాశమిచ్చినట్లుగా మంచు మనోజ్ తెలిపాడు.

ఈరోజు సినిమా ప్రారంభోత్సవాన్ని నిర్వహించింది చిత్రయూనిట్. ఈ సినిమా మంచి ఆసక్తికరమైన కథతో తెరకెక్కబోతోందని, ఇప్పటికే సినిమాకి సంబంధించిన ఒక పాటను కూడ శివ నందిగామ మ్యూజిక్ డైరెక్షన్ లో రికార్డింగ్ చేసామని, చక్కని ట్యూన్ ఇచ్చాడని చెప్పాడు. ఈ సినిమాకి సంబంధించిన మరిన్ని వివరాలు త్వరలోనే ప్రకటిస్తామని చిత్రయూనిట్ తెలిపింది.

- మూర్తి