పాటతోనే స్టార్ట్ చేస్తున్నాడు...!!

Posted: 07/12/2016 12:58 PM IST

మహేష్ బాబు మురుగదాస్ క్రేజీ కాంబో సినిమా స్టార్ట్ కాబోతోంది. మరికొన్ని రోజుల్లోనే ఈ సినిమా మొదటి షెడ్యూల్ స్టార్ట్ చేయబోతున్నారు. అందుకోసం మురుగదాస్ మ్యూజిక్ డైరెక్టర్ హారిస్ జయరాజ్ తో ఒక టైటిల్ సాంగ్ ని చేయించాడట. ఈ సాంగ్ తమిళంలో ఆల్రెడీ లిరిక్స్ కూడ రాసేసారని, ఇప్పుడు తెలుగులో ఆ లిరిక్స్ ని కరెక్ట్ గా రెడీ చేస్తున్నట్లుగా సమాచారం తెలుస్తోంది.

ఈ సినిమా తెలుగు , తమిళ భాషల్లో ఒకేసారి తెరకెక్కించనున్నాడు మురుగదాస్. దీనికి సంబంధించిన కామెడీ ట్రాక్స్ తీసేందుకు అటు తమిళ ఆర్టిస్టులను, ఇటు తెలుగు ఆర్టిస్టులను మిక్స్ చేస్తున్నాడట. అంతేకాకుండా బాలీవుడ్ లో మరుగదాస్ కి మంచి మార్కెట్ ఉన్న సంగతి తెలిసిందే. అందుకే ఈ సినిమాని హిందీలో కూడ డబ్ చేస్తున్నాడని చెప్తున్నారు. ఈ నేపథ్యంలో హీరో పరిచయ గీతాన్ని సిద్ధం చేసిందట చిత్రయూనిట్. ఈ సాంగ్ తోనే సినిమా షూటింగ్ స్టార్ట్ అవతుందని చెప్తున్నారు అందరూ.

ఈ సినిమాకి వాస్కోడిగామా అనే టైటిల్ ని పరిశీలిస్తున్నారు. ఇటీవలే సినిమాలో హీరోయిన్ పరిణీతిచోప్రాకి బదులుగా రకుల్ ప్రీత్ సింగ్ ని ఎంపిక చేసిన సంగతి అందరికీ తెలిసిందే.

- మూర్తి