మన సినిమాలో నగ్న సన్నివేశాలా???

Posted: 07/25/2016 05:23 PM IST

బోల్డ్ సన్నివేశాలు కొన్నాళ్ల క్రితం బాలీవుడ్ కే పరిమితమైన ఈ పేరు తర్వాత మెల్లిగా సౌత్ లోనూ పాకింది. ఎక్కువ శాతం ఆర్ట్ చిత్రాలకే పరిమితమైన నగ్న దృశ్యాలు తెలుగులో అసలు కనిపించిన దాఖలాలు లేవు. కానీ, త్వరలో ఓ టాలీవుడ్ సినిమాలో పూర్తి స్థాయి బోల్డ్ సన్నివేశాలను చూపించబోతున్నారంట.  
 
ప్రభాకర్ జైని అనే దర్శకుడు తెరకెక్కించిన క్యాంపస్ అంపశయ్య చిత్రం త్వరలో విడుదలకు సిద్ధం కాబోతుంది. కేంద్ర సాహిత్య అకాడమీ అవార్డు గ్రహీత నవీన్‌ రచించిన ‘అంపశయ్య’ నవల ఆధారంగా రూపొందిన ఈ చిత్రంలో పూర్తి స్థాయి నగ్న సన్నివేశాలు ఉండబోతున్నాయని సమాచారం. గ్రామీణ ప్రాంతంలో తెరకెక్కిన ఈ చిత్రం లో శ్యామ్ కుమార్, పావనీ జంటగా నటించారు. నవల కథలో భాగంగా ప్రధాన తారగణంతోపాటు, మరి కొన్ని పాత్రల మధ్య శృంగార సన్నివేశాలు ఉంటాయంట. నవలను చెడగొట్టే ఉద్దేశం లేకపోవటంతో దర్శకుడు ఆ నగ్న సన్నివేశాలను దర్శకుడు ప్రభాకర్ యథాతథంగా చిత్రీకరించాడంట.

కథానుగుణంగా సహజత్వం కోసమే ఆ సన్నివేశాలు చిత్రీకరించాల్సి వచ్చిందని. ఎక్కడా వల్గారిటీ ఉండదని దర్శకుడు చెబుతున్నాడు. అయితే గతంలో మంచి మంచి ఆర్ట్‌ ఫిల్మ్‌ అందించిన ఈ దర్శకుడికి జాతీయ స్థాయిలోనూ పేరు ఉంది.  వ్యాపారాత్మక దృక్పథంతో, కమర్షియల్‌ ఫార్మాట్‌తోకాకుండా కేవలం ఆలోచనాత్మక ధోరణితోనే ఈ సినిమాను తీస్తున్నామని చెబుతున్నప్పటికీ, ఈ  న్యూడ్ సీన్ల ట్రీట్ కు సెన్సార్ ఎలా ఓకే చెబుతుందోనని అంతా వెయిట్ చేస్తున్నారు.

-భాస్కర్