బన్నీకి మళయాళ పురస్కారం

Posted: 08/19/2016 10:20 AM IST

మెగా రూట్లు పట్టుకుని పైకొచ్చి స్వతంగా స్టార్ డమ్ సాధించే స్థాయికి ఎదిగిపోయాడు అల్లు అర్జున్. తన తోటి యంగ్ హీరోలను పక్కకు తోసేసి పవన్, మహేష్ తర్వాత ఆ రేంజ్ స్థాయి బిజినెస్ చేస్తున్నది ఈ స్టైలిష్ స్టారే. వరుసగా ఎంటర్ టైన్ మెంట్ సినిమాలు చేసుకుంటూ పోతున్న ఈ అల్లువారబ్బాయంటే ఫ్యామిలీ ఆడియన్స్ కే కాదు, మాస్ లో ఊర క్రేజ్ ఉంది. అయితే కేవలం తెలుగువారికే కాకుండా మళయాళీలకు కూడా మనోడంటే మక్కువే.

మళయాళంలో కలెక్షన్లు సాధించిన టాప్ టెన్ తెలుగు చిత్రాల్లో మగధీర, బాహుబలి తప్పించి మిగతా ఎనిమిది చిత్రాలు బన్నీవే కావటం విశేషం. స్టైలిష్ అవతార్ తోపాటు, స్టెప్పులకు ఫిదా అయిపోయిన మళయాళీలు ముద్దుగా మల్లూ అర్జున్ అని పిలుచుకుంటారు కూడా. అంతేకాదు త్వరలో ఓ పురస్కారాన్ని అందించి తమ అభిమానాన్ని చాటుకోబోతున్నారు. మళయాళంలో ఏసియానెట్ చానెల్ వారు ‘ప్రవాసి రత్న పురస్కారం’ పేరుతో సత్కరించబోతున్నారు.

మిడిల్ ఈస్ట్ దేశాల్లో అవార్డుల ఫంక్షన్లతో సందడి చేసే ఈ ఛానల్ మళయాళంలో అల్లుఅర్జున్ సినిమాలు ఆడుతున్నతీరు.. దానిక ప్రేక్షకుల నుండి వస్తున్న ఆదరణ.. అన్నీ పరిగణనలోకి తీసుకుని ఈ పురస్కారం అందజేస్తున్నారు. మొత్తానికి ఒక టాలీవుడ్ హీరో మరో ప్రాంతంలో ఇలాంటి గౌరవ పురస్కారం అందుకోబోతున్నాడంటే అది ప్రతీ తెలుగువారికీ గర్వకారణమే కదా.