మెగా రీఎంట్రీ సమ్ థింగ్ స్పెషల్స్

Posted: 01/10/2017 04:25 PM IST

మెగా స్టార్ చిరంజీవి కోసం ఓ రీమేక్ కథను ఎంచుకున్నారన్న విమర్శల దగ్గరి నుంచి ప్రీ రిలీజ్ ఈవెంట్ లో వివాదాలు రేపిన కామెంట్ల దాకా ఖైదీ ప్రస్థానం బాగానే జరిగింది. దాదాపు పదేళ్ల తర్వాత టాలీవుడ్ రారాజు తిరిగి తెరపై సందడి చేయాలంటే ఆ మాత్రం ఉండాలి కదా. అందుకే రీఎంట్రీని ఓ సేఫ్ సైడ్ మెసేజ్ ఓరియంటల్ అయితేనే బావుంటుందని డిసైడ్ అయ్యింది మెగా కాంపౌండ్.

అందుకు తగ్గట్లే సొంతంగా కొణిదెల పేరిట ఓ ప్రోడక్షన్ హౌజ్ పెట్టడమే కాదు, ఓవైపు తన సినిమాను చూసుకుంటూనే, తండ్రి 150 చిత్ర పనులను తానే దగ్గరుండి చూసుకున్నాడు మెగా పవర్ స్టార్ రాం చరణ్. ఠాగూర్ లాంటి బ్లాక్ బస్టర్ అందించిన మాస్ పల్స్ పట్టిన దర్శకుడు వినాయక్ చేతిలోనే మళ్లీ ఈ రీమేక్ ను పెట్టాడు. ఆరు నెలల పాటు సాగిన షెడ్యూళ్లతో మొత్తానికి సినిమా ముగిసింది. చిరు ఫ్యాన్స్ కోరుకునే అన్ని రకాల మాస్ మసాలా ఎలిమెంట్స్తో సినిమాను పక్కా కమర్షియల్ ఎంటర్టైనర్గా రూపొందించారు చిత్రయూనిట్. చిరు సినిమా వస్తుందంటే పదేళ్ల క్రితం ఎలాంటి పరిస్థితి కనిపించిందో ఇప్పుడు అదే రేంజ్ సంబరాలు.. కాదు కాదు.. అంతకు మించి కనిపిస్తున్నాయ్.

మరోవైపు బాస్ సంచలనాలు కూడా కొనసాగాయి. ఫస్ట్ లుక్ రిలీజ్ దగ్గరి నుంచి మొన్న వచ్చిన ట్రైలర్ దాకా అన్ని రికార్డులను బద్ధలు కొట్టాయి. కేవలం పాటలకే వచ్చిన స్పందన చూసి క్రిటిక్స్ నోళ్లు తెరిచారు. మరి తెరపై మెరుపులు ఎలా ఉండబోతున్నాయోనని అంతా ఆత్రంగా చూస్తున్నారు. కొడుకు, తమ్ముడికి కూతురిగా చేసిన హీరోయిన్, పైగా తమ్ముడితో కూడా ఆడిపాడింది. అయినా చిరు పక్కన భలే సెట్ అయ్యింది. బహుశా ఇన్ని తరాలతో చేసిన హీరోయిన ఒక్క కాజల్ ఏమో. ఫస్ట్ లుక్ రిలీజ్ దగ్గరి నుంచి మొన్న వచ్చిన ట్రైలర్ దాకా అన్ని రికార్డులను బద్ధలు కొట్టాయి. స్టైల్ లో, డాన్సుల్లో మునుపటి కంటే మెరుగైన తేజస్సు.

కేవలం పాటలకే వచ్చిన స్పందన చూసి అంతా ఆశ్చర్యానికి గురయ్యారు. మరి తెరపై మెరుపులు ఎలా ఉండబోతున్నాయోనని మెగా అభిమానులు సంబరపడిపోతున్నారు. ఇది చాలదన్నట్లు కొడుకు, మెగా పవర్ స్టార్ ఓ గెస్ట్ రోల్, 30 సెకన్లపాటు చిందులేయనున్నాడు. ఇంతలో మరో షాక్,, వీరాభిమాని అయిన అల్లుడు, స్టైలిష్ స్టార్ అల్లు అర్జున్ కూడా మరో స్పెషల్ రోల్ లో మెరుస్తాడనే వార్త. ఇన్ని ప్రత్యేకతలు ఉన్న ఖైదీని ఎవరైనా వదిలేస్తారా? అసలు ఇదంతా ఎందుకు కేవలం చిరు కనిపిస్తాడు అది చాలదు.! అందుకే మొత్తం థియేటర్లు హౌజ్ ఫుల్ అయిపోయాయి. పండగకు రెండు రోజుల ముందే పెద్ద పండగ తెచ్చేస్తున్నాడు. ఫ్యాన్స్! గెట్ రెడీ ఫర్ బాస్....