పోసాని మోహన్ బాబును అంత మాట అన్నాడా?

Posted: 01/10/2017 03:08 PM IST

ఏదైనా సరే ఓపెన్ గా ఉన్నది ఉన్నట్లు మాట్లాడే సెలబ్రిటీల్లో పోసాని కృష్ణమురళి ఒకడు. మహా మహనుల హాజరయ్యే ఈవెంట్లలో అయినా సరే ఆశువుగా అప్పటికప్పుడు ఏది అనిపిస్తే అది మాట్లాడేస్తుంటాడు. అయితే రీసెంట్ గా మంచు విష్ణు లక్కున్నోడు ఆడియో పంక్షన్ లో ఈయనగారు మాట్లాడిన ఓ మాట ఇప్పుడు చర్చనీయాంశంగా మారింది.

మైకు అందుకుని మాట్లాడటం మొదలు పెట్టాక స్పీచ్ మధ్యలో మోహన్ బాబు గాడికి అంటూ ఫ్లో లో సంభోదించాడు. అయితే వెంటనే సర్దుకుని మళ్లీ మోహన్ బాబుగారు అనేశాడు. ఫ్లో లో ఉన్నాడు కదా అనుకుని ఏమో ఎవరూ కూడా ఆ అంశాన్ని అంతగా పట్టించుకోలేదు. క్రమశిక్షణకు మారుపేరైన మోహన్ బాబు ఈ విషయాన్ని వదిలేస్తాడా? అని అంతా అనుకున్నారు. ఆ అంశం పక్కన బెడితే మిగతాదంతా కలెక్షన్ కింగ్ ను పొగుడుతూనే జరిగింది లేండి.

 

ఇక ఆ తర్వాత మోహన్ బాబు పోసానిపై జోకులు వేస్తూ, తనని చిన్న తమ్ముడిగా అభివర్ణిస్తూ మాట్లాడాడు. ఆ విషయం పక్కనబెడితే ఆ మధ్య ఇతర హీరోల ఆడియో పంక్షన్లకు వెళ్లను అని విష్ణు చేసిన వ్యాఖ్యలపై మోహన్ బాబు సీరియస్ కావటం ఇక్కడ చెప్పుకోదగిన విషయం.

 

‘‘విష్ణు ఓ విషయంలో నీకు వార్నింగ్‌ ఇవ్వాలనుకుంటున్నాను. ఇట్స్‌ ఏ వార్నింగ్‌. భార్య, పిల్లలు ఉన్నవాడివి. ఈ మధ్యే టీవీల్లో చూశాను. పదిమంది ఎదుట నువ్వు చేసిన తప్పు చెబుతున్నాను. ‘నేను సహజంగా నా సినిమా ఆడియో ఫంక్షన్లకు కూడా వెళ్లను' అని ఓ ఇంటర్వ్యూలో చెప్పావు. అది తప్పు. నీ సినిమా ఆడియో ఫంక్షన్‌కు నువ్వు వెళ్లాలి. ఇతర హీరోల సినిమాల ఆడియో ఫంక్షన్లకూ హాజరవ్వాలి. నిన్ను ప్రేమగా పిలిచినపుడు తప్పక వెళ్లాలి. నేను ఎక్కడికీ వెళ్లనని కొంతమంది హీరోల్లా డబ్బాలు కొట్టవద్దు. అర్థమైందా. డబ్బాలు వద్దు మనకు. సిన్సియర్‌గా ఉండు' అంటూ విష్ణుకు సూచించాడు.