బన్నీ డీజే ప్రీ లుక్: శివలింగం, రుద్రాక్ష...

Posted: 02/16/2017 11:49 AM IST

స్టైలిష్ స్టార్ అల్లు అర్జున్ హరీష్ శంకర్ డైరక్షన్ లో దువ్వాడ జగన్నాథమ్ గా త్వరలో రాబోతున్న విషయం తెలిసిందే. దిల్ రాజు బ్యానర్ శ్రీ వేంకటేశ్వర క్రియేషన్స్ బ్యానర్ లో భారీ బడ్జెట్ తో ఈ చిత్రం తెరకెక్కుతోంది. ప్రస్తుతం శరవేగంగా షూటింగ్ జరుపుకుంటున్న ఈ చిత్రం ఫస్ట్ లుక్ ను 18వ రిలీజ్ చేసేందుకు సన్నాహాలు చేసింది చిత్ర యూనిట్.

ఇదిలా ఉంటే ఫస్ట్ లుక్ రాబోతుందంటూ ఓ ప్రీ లుక్ పోస్టర్ ను కాసేపటి క్రితం వదిలారు. ఓ శివలింగం, దానిపై రుద్రాక్ష ఉన్న పోస్టర్ పైన డీజే, మరోపక్క బన్నీ పేరుతో ఏఏ సింబల్స్ ఉన్నాయి. యాక్షన్ కామెడీగానే కాదు ఓ పవర్ ఫుల్ సబ్జెక్ట్ తో ‘డీజే’ రాబోతుందని సింబాలిక్ గా తెలిసిపోతుంది. సమ్మర్‌లో ప్రేక్షకుల ముందుకు వచ్చే అవకాశం కనిపిస్తోన్న ఈ సినిమాలో పూజా హెగ్డే హీరోయిన్‌గా నటిస్తోంది.

వరుస హిట్లతో ఊపు మీద ఉన్న బన్నీ ఫస్ట్ టైం ఓ ట్రెడిషనల్ గెటప్ లో కనిపించబోతున్నాడనే టాక్ నడుస్తుండటంతో ఈ సినిమా ఎలా ఉంటుందన్న అభిమానులు ఆసక్తిగా ఎదురుచూస్తున్నారు. ప్రస్తుత షెడ్యూల్ హైదరాబాద్ లో జరుగుతుండగా, నెక్స్ట్ అబుదాబిలో ప్లాన్ చేస్తోంది యూనిట్. అన్నట్లు దిల్ రాజు బ్యానర్ లో ఇది 25వ చిత్రం కావటం విశేషం.

2 Days to go for the First Look of DJ. pic.twitter.com/BG71ojaoBD

— Allu Arjun (@alluarjun) February 16, 2017